पुनर्वास, ११ माघ।

कञ्चनपुरको पुनर्वास नगरपालिका ११ मा रहेका राष्ट्रिय माध्यमिक विद्यालयमा अख्तियारले छापा हानेको छ । शिक्षक नियुक्ति प्रकरणमा अनियमिता गरेको भन्दै अभिभाबकहरुले तालाबन्दी गरेका थिए ।

सोही अनुसार अख्तियार दुरुपयोग अनुसन्धान आयोग कंञ्चनपुरमा परेको उजुरीका आधारमा शुक्रवार राष्ट्रिय माध्यमिक बिद्यालयमा अख्तियारबाट खटिएको टोलीले छापा मारेको हो ।

अख्तियारबाट आएको टोलीले बिद्यालयको आर्थिक गतिविधिहरुको कागजातहरु लिएको बिद्यालयका प्राध्यापक नवराज पाण्डेले बताए । उनले भने “अख्तियार दुरुपयोग अनुसन्धानमा विद्यालयको उजुरी परेको थियो ।त्यसकै कारण आयोगको टोलीले कागजपत्र लगेको छ ।” सत्य तथ्य छानविनले गर्छ उनले भने ।