धनगढी २० चैत/नेपाली काँग्रेसका सभापति शेरबहादुर देउवाको गृह जिल्ला डडेल्धुरामा निर्वाचन सम्म गठबन्धनलाई प्रभाव पार्ने बिचार अभिव्यक्ती कसैले नदिने गठबन्धन दलले निर्णय गरेको छ । सत्ता गठबन्धन दलको आईतबार डडेल्धुरामा बसेको बैठकले उक्त निर्णय गरेको हो । बैठकले स्थानिय तहको निर्वाचनमा गठबन्धन गरेर जाने निर्णयको समेत स्वागत गरेका छन् ।

नेपाली काँग्रेस डडेल्धुराका उपसभापती एवं कार्यबहाक सभापती दिल्लीराज जोशीको अध्यक्षतामा बसेको डडेल्धुरा जिल्ला स्तरिय गठबन्धनको बैठकले गठबन्धनले केन्द्रमा गरेको निर्णयको स्वागत गर्ने निर्णय गरेका छन् । ‘निर्वाचनका सवालमा निरन्तर छलफल जारी राख्ने निश्कर्षमा पुगेका छौ’ नेपाली काँग्रेस डडेल्धुराका सचिव हेमराज चटौतले भने–‘निर्वाचन सम्म गठबन्धनलाई प्रभाव पार्ने खालका कुनै पनि बिचार अभिव्यक्ति समेत कसैले अभिव्यक्त नगर्ने निर्णय समेत भएको छ ।’

आजबाट हामीले डडेल्धुरामा गठबन्धनको मर्म अनूरप छलफल प्रारम्भ भएको सामाजवादीका नेता डा. तारा जोशीले जानकारी दिए । ‘गठबन्धनको मर्म अनुरुप कामको थालनी भएको छ’ समाजबादी नेता डा. जोशीले भने–‘हामी गठबन्धनका दलहरु बिच एक खालको भद्र सहमती भएको छ ।’

बैठकमा काँग्रेस पूर्व सभापती रघुबर भट्ट, वर्तमान उपसभापती लक्ष्मि अवस्थी, सचिवद्वय नेकपा समाजवादी अध्यक्ष तुलाराम बोहरा, समाजबादी नेता डा. तारा जोशी, माओवादी नेता मानबहादुर माल, नेकपा माओवादी केन्द्रका अध्यक्ष उमेश प्रशाद भट्ट, जनता समाजवादी अध्यक्ष लक्ष्मिकान्त पनेरु, राष्ट्रिय जनमोर्चाका सहसचिव टंकप्रशाद अवस्थी लगायतका नेताहरु बैठकमा सहभागि रहेका थिए ।

‘गठबन्धनको निर्णयलाई नमान्नेहरुले बरु पार्टी छोडे हुन्छ’ नेपाली काँग्रेस डडेधुराका पूर्व सभापती रघुबिर भट्टले भने–‘हिम्मत भए स्थानिय तहको निर्वाचनमा उम्मेदवार भएर देखाउन समेत चेतावनी दिएका छन् ।
स्थानिय तहको निर्वाचनमा केन्द्र देखी वडा सम्म गठबन्धन गर्ने सहमती सत्तागठबन्धनको भएकाले आपसी समन्वयमा गठबन्धनलाई सहयोग गर्नु पर्ने बैठका सहभागि नेतारु एक मत भएका थिए ।