एजेन्सी/अभिनेता सुशान्त सिंह राजपुतको रहस्यमय मृत्यु भएको आज सोमबार एक वर्ष पूरा भएको छ । २०२० जुन १४ मा निधन भएका सुशान्त सिंहको निधन हत्या हो कि आत्महत्या अझै टुङ्गो लागेको छैन । घटनाको अहिले पनि अनुसन्धान भइरहेको छ ।

३४ वर्षको उमेर संसारबाट बिदा भएका राजपुतको निधनले उनका प्रशंसकलाई गहिरो चोट पुगेको थियो । जुन चोट उनीहरु अहिले पनि भुल्न सकेका छैनन् ।
सुशान्त सिंहमा निधनअघि डिप्रेशनको समस्या रहेको बताइएको थियो । तर, फ्यानले यो कुरा पत्याएनन् । उनको निधनको विषयमा विभिन्न अनुमान बाहिर आए । तर, सत्य के हो त्यो भने अहिलेसम्म आउन सकेको छैन । अहिले पनि उनको निधनको विषयमा सीबीआई र एनीसीबीले अनुसन्धान गरिरहेको छ ।

सुशान्त सिंहको वर्ष दिनको बरखीमा फ्यानले इमोशनल भएर सामाजिक संजालमा उनको सम्झना फरक फरक तवरले गर्दै न्यायको समेत माग गरिरहेका छन् ।
एक ९सामाजिक प्रयोगकर्ता० युजर्सले सुशान्त सिंहको सम्झना गर्दै लेखेका छन् ‘आखिर कहिले मिल्छ न्याय’एक फ्यानले सुशान्त सिंहको याद नगरेको एक पल पनि नभएको लेखेका छन् । उनले अगाडि भनेका छन् ‘तपाई सधै हाम्रो दिलमा रहनु हुनेछ ।’
त्यस्तै अर्को एक युजर्सले लेखेका छन्, ‘१४ जुन २०२०, दिनको २ बजे एक आएको समाचारले मेरो मन दुखाएको छ ।’ ती युर्जसले आफु कसैको निधनमा पहिलो पटक रोएको र त्यो ब्यक्ति सुशान्त सिंह भएको बताएका छन् । उनले अगाडि भनेका छन् ‘हामीले भारतीय फिल्मको एक रत्न गुमाएका छौँ।’

सुशान्तको निधनको एक महिना पछि परिवारले रिया चक्रवर्तीको विरुद्ध बिहारमा केस दर्ता गराएका थिए । त्यसपछि सीबीआईको अनुसन्धानको माग गरिएको थियो । अझै अभिनेताको अभिनेताको परिवार न्यायको लागि तड्पिरहेको छ । उनको कारण कारण कयौ ड्रग केस समेत बाहिर आएका थिए । सुशान्त सिंहकी गर्लफ्रेण्ड रियाले ड्रग्सको प्रकरणमा एक महिना जेलको हावा समेत खाएकी थिइन् ।