धनगढी, ९ फागुन
धनगढी उप–महानगरपालिकाका नगरप्रमुख नृपबहादुर वडले काम सानोबाट सुरु गरेपनि सोच ठूलो राख्नुपर्ने बताएका छन् ।

आईतबार उप–महानगरपालिकाले वडा नं ३ मा आयोजना गरेको सम्भाब्य उद्यमीका लागि ब्यावसाय सचेतना तालिमको समापन कार्यक्रमका बोल्दै यस्तो धारणा राखेका हुन । ‘काम कहिल्यै सानो हुदैन र मान्नु पनि हुदैन, नगरप्रमुख वडले भने, विश्वका ठूला उद्यमीहरु सानो काम गरेर नै त्यहाँ पुगेका हुन ।’ कामलाई सम्मान गर्न नसक्ने मान्छे कहिल्यै सफल हुन सक्दैन नगरप्रमुख वडले भने, ‘यहाँहरु जे काम गरिराख्नु भएको छ त्यसलाई ब्यबस्थीत गर्दै गएपछि सफल हुने हो ।’

धनगढी उप–महानगरपालिकाले ३ हजार २ सय एकल महिलालाई उद्यामशिलताका गतिविधीमा जोडेको नगरप्रमुख वडले बताए । उनले भने, ‘तालिम लिनका लागि मात्रै होईन सिकेको कुरा ब्यावहारमा लगाउनुपर्छ ।’

धनगढी उप–महानगरपालिका वडा नं ३ का अध्यक्ष बलबहादुर ऐरले सिकेको कुरा ब्यावहारमा लागुगर्दै आफ्नो ब्यावसाय सफल बनाउन सहभागिहरुलाई शुभकामना दिए । उनले भने, हाम्रो टिम निर्वाचन जितेर आएपछि उद्यामीशिलता सुधारका क्षेत्रमा धेरै काम गरेको छ ।