तर घटना चितवनको भएकाले सम्बन्धित ठाउँमै गएर उजुरी गर्न भनिएको परिसरका एसपी अशोक सिंहले जानकारी दिए।

पौडेल चितवनका एसपी दानबहादुर मल्ल, जनआस्था साप्ताहिकका सम्पादक किशोर श्रेष्ठ र नेपाल आज अनलाइनका सम्पादक संकेत कोइरालाविरुद्ध विद्युतीय कारोबार ऐनअन्तर्गत उजुरी लिएर परिसर पुगेकी थिइन्।

उनीहरुविरुद्ध आत्महत्याअघि पुडासैनीले रेकर्ड गरेको भिडियो अनुसन्धान नसकिँदै सार्वजनिक गरेको आरोप उजुरीमा लगाइएको छ।

पत्रकार श्रेष्ठ सम्पादक रहेको जनआस्थाले गत साउन २९ गते भिडियोसहित समाचार छापेको थियो। सम्पादक श्रेष्ठले उक्त भिडियो अरुलाई पनि उपलब्ध गराएको बताउँदै आएका थिए।

सोही भिडियोलाई आधार मान्दै पुडासैनीको आत्महत्या दूरुत्साहन आरोपमा लामिछानेसहित पत्रकार युवराज कँडेल र अस्मिता कार्की साउन ३० गते पक्राउ परेका थिए। उनीहरूविरुद्ध दोश्रो पटक पाँच दिनको म्याद थप भएको छ।

पुडासैनी साउन २० गते चितवनको नारायणढस्थित पोखरा बसपार्कमा रहेको होटेल कंगारुमा झुन्डिएको अवस्थामा मृत फेला परेका थिए।