‘बत्ती आउदैन, चर्को गर्मीछ, आएका ग्राहकपनी फर्केर जान्छन्’ स्थानीय होटल व्यवसायी शैलेन्द्र शाहीले गुनासो गरे । उनले बिद्युत अवरुद्ध हुदा होटलमा खानेपानी, फ्रिज, पंख्खा सञ्चालन हुन नसक्दा होटलनै बन्द गर्नुपर्ने अवस्था भएको बताए ।
धनगढी बजारका अधिकांश उद्योग धन्दाहरुपनी सञ्चालनमा आउन सकेका छैनन् । सयौ संख्यामा रहेका सुदूरपश्चिमका उद्योग कलकारखानाहरु चारदिन देखी पुर्णरुपमा बन्द हुदा ठुलोघाटा ब्यहोर्नु परेको प्रदेश उद्योग वाणीज्य महासंगका अध्यक्ष शंकर बोगटीले बताए । विद्युत अवरुद्धहुदा मैदा, बिष्कुट, चामल लगायतका उद्योगहरुमा करोडौंको कच्चा पदार्थ खेर गएको बोगटीले बताए ।
‘सुदूरपश्चिम प्रदेशमा त्यसै त थोरै संख्यामा उद्योगधन्दा सञ्चालनमा छन्’ बोगटीले भने ‘लगातारको बिद्युत अवरोध हुदा करोडौ नोक्सानी व्यहोर्दा उद्योग व्यवसायीहरु धरापमा परेका छन ।’ उद्योगनै बन्द गर्नु पर्ने अवस्था सिर्जना भएको उनको भनाई छ ।
यस्तै विद्युत अवरुद्ध हुदा धनगढीका मासुपसलहरु चारदिन देखी खुल्न सकेका छैनन् । मासु भण्डारणको लागि फ्रिज सञ्चालनमा गर्न विद्युत नभएपछि पसलनै बन्द गर्नु परेको मासु पसल व्यवसायीहरुको गुनासो रहेको छ ।
विनाशकारी हावाहुरीका कारण बिद्युत अवरुद्ध हुदा चारदिनदेखि खानेपानी बन्द भएको छ । धनगढी गर्मीमा बिद्युत नहुदा आर्थिक अवस्था कमजोर भएका अधिकांश परिवारको बिचल्ली भएको छ, भने महामारी फैलीनै त्रास फैलिएको छ ।
यता नेपाल विद्युत प्राधिकरण धनगढीले हावाहुरीले ढलेका पोलहरु गाड्ने र लाईन मर्मत सम्भारको काम तिव्र रुपमा चलिरहेकाले सबै क्षेत्रमा चाडै विद्युत सुचारु हुने जानाएको छ । विद्युत प्राधिकरण धनगढी वितरण केन्द्रका प्रमुख धिरेन्द्र कुमार यादवले हावाहुरीका कारण अवरुद्ध भएको लाईन मर्मत सम्भारको काम अन्तीम चरणमा पुगेको बताए ।