धनगढी,३ भदौँ । कैलालीमा मोटरसाइकलको ठक्करबाट पैदल यात्रीको मृत्यु भएको छ। पुर्व पश्चिम राजमार्ग अन्तरगत घोडाघोडी नगरपालिका–४ भालुफाटामा सुदूरपश्चिम प्रदेश ०१–०११ प ७४६९ र से ७ प ७६०१ नम्बरको मोटरसाइकलले पैदल यात्रीलाई ठक्कर दिएका हुन । गयराती मोटरसाइकलको ठक्करबाट अन्दाजी ५० वर्षीय पुरुषको मृत्यु भएको प्रदेश प्रहरी कार्यालय धनगढीले जनाएको छ । उनको नाम थर खुलेको छैन ।

दुर्घटनामा सुदूरपश्चिम प्रदेश ०१–०११ प ७४६९ नम्बरको मोटरसाइकल चालक गौरीगंगा नगरपालिका–५ बस्ने २० वर्षीय रमेश जैगडी, से ७ प ७६०१ नम्बरको मोटरसाईकल चालक गौरीगंगा नगरपालिका–९ बस्ने १९ वर्षीय सागर बिक, मोटरसाईकलमा पछाडी सवार सोही ठाँउकी १४ वर्षीया आचल बिक र १४ वर्षीया माया घोडशाही घाइते भएका छन । उनीहरुको घोडाघोडी अस्पताल सुखडमा उपचार भईरहेको प्रहरीले जनाएको छ।