उनका अनुसार अहिले पनि साना ठुला नदीहरूको बहाव बढिरहेको छ । ती नदीहरूको जल सतह बढेर पानी बस्तीमा पसेपछि स्थानीय विस्थापित हुने क्रम बढेको छ । मध्य राति सम्मको तथ्याङ्क अनुसार कैलालीका १८५ परिवारका ६६४ जनालाई सुरक्षित स्थानमा राखिएको छ । घरमा पानी पसेपछि र घर डुबान हुन थालेपछि उनीहरूलाई सुरक्षित स्थानमा ल्याइएको उनले बताए । अधिकांश स्थानमा सशस्त्र प्रहरी, नेपाल प्रहरी र स्थानीयको सक्रियतामा जोखिममा रहेका परिवारहरूलाई उद्धार गर्ने क्रम चलिरहेको छ ।