धनगढी, १४ भाद्र/कैलालीको गेटास्थित शहीद दशरथ चन्द राष्ट्रिय स्वास्थ्य विज्ञान विश्वविद्यालय स्थापनार्थ गठित संघर्ष समितिले प्रतिनिधिसभाको शिक्षा, स्वास्थ्य तथा सूचना प्रविधि समितिलाई ज्ञापनपत्र बुझाएको छ।संघर्ष समितिले बिहीवार शिक्षा, स्वास्थ्य तथा सूचना प्रविधि समितिका सभापति भानुभक्त जोशीलाई ज्ञापनपत्र बुझाएको हो। संघीय संसद्को चालु अधिवेशनमा स्वास्थ्य विज्ञान विश्व विद्यालय सम्बन्धि विधेयक पास गर्नुका साथै ६ सय शय्याको अस्पतालसमेत सञ्चालन गर्न माग गर्दै सभापति जोशीलाई ज्ञापनपत्र बुझाइएको संघर्ष समितिका संयोजक लोकराज पाण्डेय ९आगो० ले जानकारी दिए।

हासिल गरिसकेका छौं अन्त्यमा हाल गेटामा सञ्चालन गर्ने भनिएको १०० शय्याको ओपीडीले सुदूरपश्चिमेलीहरूको भावना तथा आवश्यकताको परिपूर्ति नगर्ने जानकारी गराउँदै यथाशीघ्र ६०० शय्याको पूर्णकालीन अस्पतालसहित स्वास्थ्य विज्ञान विश्वविद्यालय सञ्चालन गर्ने कुरामा माननीय सभापतिज्यूको गम्भीर ध्यानाकर्षण गराउँदै यो ज्ञापनपत्र पेस गर्न चाहन्छौं।’

गेटास्थित शहिद दशरथ चन्द राष्ट्रिय स्वास्थ्य विज्ञान विश्वविद्यालय शीघ्र संचालनार्थ सुदूरपश्चिमेलीहरू स्वतः स्फुर्त रूपमा आन्दोलित भइरहेका छन्। तत्काल ६ सय शय्याको अस्पताल सञ्चालन गर्न सकिने भए पनि सरकारले नीति तथा कार्यक्रममा उल्लेख भएको कुरालाई हटाउँदै गेटामा एक सय शय्याको अस्पतालसहित प्रतिष्ठान सञ्चालन गर्ने निर्णय गरेपछि यहाँ आन्दोलन भइरहेका हुन्।

संघीय राज्य सत्ताबाट पटक–पटक सुदूरपश्चिमेलीहरूप्रति गरिएको विभेद तथा अन्यायको शिलशिलाको रूपमा गेटा स्वास्थ्य विज्ञान विश्वविद्यालय सञ्चालनमा भइरहेको ढिलाइलाई आफूहरूले बुझेको संयोजक पाण्डेयले बताए। नेपाल सरकारको आर्थिक वर्ष २०८०र८१ को नीति तथा कार्यक्रममा समेत सुदूरपश्चिममा शहीद दशरथ चन्द राष्ट्रिय स्वास्थ्य विज्ञान विश्वविद्यालय नै स्थापना गर्ने उल्लेख छ।

सुदूरपश्चिमका अधिकांश सांसदहरूले समेत प्रतिनिधिसभामा उक्त विषयलाई प्रमुखताका साथ उठान गरेका छन्। मन्त्रिपरिषद्को निर्णय तथा सांसदहरूले गरेको सार्वजनिक प्रतिबद्धता हालसम्म पनि कार्यान्वयन नभएको संघर्ष समितिका सह–संयोजक आनन्दप्रसाद भट्टले बताए।