लबदेव धामी

धनगढी,२७ साउन / बैतडी समाज कैलालीको आयोजनामा रक्तदान कार्यक्रममा सम्पन्न भएको छ। ‘रक्तदान जीवनदान’ भन्ने कार्यक्रमको मूलनारा रहेको थियो।

धनगढी पदम नर्सिङ कलेजको प्राङगणमा बिहान ८ बजे देखि सुरु गरिएको रक्तदान कार्यक्रममा आज ११८ जनाले रक्तदान गरेको बैतडी समाज कैलालीका अध्यक्ष माया प्रकाश भट्टले बताउनुभयो।

बैतडी समाज कैलालीले विगतमा पनि यस्ता थुप्रै कार्यक्रम गर्दै आएको छ। यो समाज बैतडी जन्म घर भई हाल कैलालीमा आई बस्नेहरुको , कामगर्नेहरुको र पढ्ने विध्यार्थीहरुको साँझा समूह हो । रचनात्मक कार्यक्रम देखि लिएर तालिम गोष्ठी , संस्कृति संरक्षणका साथै वृक्षा रोपण र बर्षमा २ पटक रक्तदान कार्यक्रमको आयोजना गर्दै आएको समाजका अध्यक्ष भट्टले बताए।

अध्यक्ष भट्टले रक्तदान गर्ने रक्तदाताहरुलाई प्रमाण पत्र प्रदान गर्दै धन्यवाद ज्ञापन गर्नु भयो । साथै आज संयोगबस अन्तर्राष्ट्रिय युवा दिवस पर्न गएकाले सबैलाई यवा दिवसको शुभकामना समेत दिनु भयो ।

आज रक्तदान कार्यक्रमका साथै खिर खाने कार्यक्रम पनि आयोजना गरिएको थियो।