धनगढीमा गन्तव्य एमर्जिङ कप फुटसल प्रतियोगिता सुरु भएको छ । गन्तव्य एजुकेशन फाउण्डेसन कैलालीको आयोजनामा गन्तव्य एमर्जिङ कप फुटसल प्रतियोगिता सुरु भएको हो । दुई दिनसम्म चल्ने गरी धनगढीको फल्याटल्याण्ड फुटसलमा अन्तर मावि स्तरीय फुटसल प्रतियोगिता सुरु भएको हो । प्रतियोगिताको कैलाली जिल्ला खेलकुद विकास समितीका अध्यक्ष बाबुराजा श्रेष्ठले उद्घाटन गरे । प्रतियोगिताको पहिलो दिन लिग चरणका ७ वटा खेलहरु सम्पन्न भएका छन् ।नकआउटका आधारमा भईरहेको प्रतियोगिताको उद्घाटन खेलमा पञ्चोदय माविले कैलाली मोडेल स्कुललाई ९–० को फराकिलो अन्तरले पराजित गरेको छ ।

पञ्चोदयका लागि सुशिल बिकले दोहोरो ह्याट्रिक गरे भने रोशन बिकले दुई र हिमाल सिंहले एक गोल गरे । दोस्रो खेलमा आइएचआइटी कलेजले लाइफ लाइन कलेजलाई ३–१ ले किनारा लगायो । आइएचआइटीका लागि बासुदेव बोहराले दुई र उत्तम मगरले एक गोल गरे भने लाइफ लाइनका लागि विनोद थापाले एक गोल फर्काए । तेस्रो खेलमा ऐश्वर्य विद्या निकेतनले सहारा होटेल म्यानेजमेन्टलाई ५–० ले जित्यो । ऐश्वर्यका लागि जिरत शेख, विनोद बम, अपदेश खड्का, सुभम् श्रेष्ठ र विजय विक्रम भण्डारीले एक÷एक गोल गरे ।

चौथो खेलमा टेम्पल होटेल म्यानेजमेन्टले एक्सीस विद्याश्रमलाई ११–३ को फराकिलो अन्तरले किनारा लगायो । टेम्पलका लागि विनोद खत्रीले दोहोरो ह्याट्रिक गर्दा डबल मन्नी र रोहित चौधरीले दुई दुई तथा महेश कलेलले एक गोल गरे । एक्सीसका लागि आदेश चौधरीले दुई र सुनिल बोहराले एक गोल फर्काए ।

पहिलो दिन भएको पाँचौ खेलमा त्रिनगर माविले लिटल फ्लावरलाई ५–२ ले पराजित गरेको छ । त्रिनगरका लागि लक्ष्मण दमाईले ह्याट्रिक सहित चार र हरि पार्कीले एक गोल गरे । लिटल फ्लावरका लागि दिपेन्द्र जोशी र सलोन तामाङले एक एक गोल फर्काए । छैटौं खेलमा नेक्सस एजुकेशनले आयोजक गन्तव्य एजुकेशन फाउण्डेसनलाई ७–० ले पराजित गरेको छ । नेक्ससका लागि सुरज रावल र योगेश रावलले ह्याट्रिक गरे भने कुवेर शाहीले एक गोल गरे । त्यस्तै सातौं खेलमा भने हिलवल्र्ड स्कुल विजयी भएको छ । प्रतिस्पर्धी वेष्ट लुजर भएको लाइफलाइन अनुपस्थित भएपछि हिलवल्र्ड वाई पाएर क्वार्टरफाइनल पुगेको छ ।

प्रतियोगिताको दोस्रो दिन शनिवार क्वाटरफाईनल सेमिफाइनल र फाइनल खेल हुने आयोजक गन्तव्य एजुकेशन फाउण्डेसनका खेल संयोजक मुकुन्दबहादुर सिंहले जानकारी दिए ।