सुदूरपश्चिम स्वास्थ्य निर्देशनालयले प्रदेशका ८८ वटा स्थानीय तहका लागी अल्ट्रासाउण्ड खरिदमा ५ करोड घोटालाको आरोप निराधार भएको दावी गरेको छ । निर्देशनालयले ८८ वटा अल्ट्रासाउण्ड मेसिन खरिदका लागि टेण्डर गरेकोमा मिलोमतोमा टेण्डर स्वीकृत गरेको आरोप लगाइएको प्रति गम्भीर ध्यानाकर्षण भएको स्वास्थ्य निर्देशक डा गुणराज अवस्थीले बताए ।

उनले भने टेन्डर प्रक्रियामा प्रस्तावना पेश गरेपनि माग अनुसारको प्रावधान नमिलेको भन्दै एजी हेल्थ केयरका सञ्चालक पोष्टवहादुर ज्ञवाली मिडीयामा भ्रम फैलाएको देखियो । उनले थपे मिलोमतोमा टेण्डर दिने तयारी हुँदा अस्विकार गरिएको हो, सवै प्रावधान मिलेकै थियो।’ भनिएको छ यो गलत हो । डाक्टर अवस्थीले एजे हेल्थ केयरको कुनै प्रस्तावना नै नआएको दावी गरे ।

अल्ट्रासाउण्ड खरिदका लागी लुम्वेनी हेल्थकेयर प्रा।ली काठमाँडौ,हस्पीटेक इन्टरप्राइजेज प्राली काठमाँडौ,लाइलफलाइन टे«ड ईन्टरनेश्नल काठमाँडौ,इजी इन्फ्रा प्राईभेट लिमिटेड,कि कन्सेप्ट नेपाल गरी पाँच वटा बोलपत्र दाताहरुले बोलपत्र पेश गरेको उनले बताए । तर ऐजी हेल्थ केयर काठमाँडौ नामको कुनै पनि फर्मले बोल पत्र नै पेश नगरेको उनको दावी छ ।

स्वास्थ्य निर्देशनालयले मिलोमतोमा टेन्डर स्विकृत नगरिएको दावी गरे । कबोल गरेको अंकलाई मात्र हेर्दा लुम्वेनी हेल्थकेयर प्रा।ली काठमाँडौकौ सबै भन्दा कम र त्यस पछि हस्पीटेक इन्टरप्राइजेज प्राली काठमाँडौको कबोल अंक न्युन रहेको स्वास्थ्य निर्देशनालयले जनाएको छ ।

लुम्वेनी हेल्थकेयर प्रा।ली काठमाँडौले पेश गरेको प्रस्तावनामा गर्भवती तथा प्रसुति सम्वन्धी जाँच गर्न सकिने प्रविधि नभएको,आवश्यक परेमा मुटु र रक्तसंञ्चार प्रणालीको समेतको जाँच गर्न सकिने प्रविधि नभएको,लगातार ५ घण्टा सम्म गर्भवर्ती वा बिरामीकाृे जाँच गर्न मिल्न व्याट्रीको क्षमता नभएका कारण प्रस्ताव अस्विकृत भएको निर्देशनालयको दावी छ । साथंै निर्देशनालयले थप भ्याट रकम मागी अनियमितता गर्न खोजेको आरोप समेत मिथ्या भएको स्पष्ठ पारेको छ ।