सम्मेलनमा २५ जिल्लाका २ हजार प्रतिनिधि र पर्यवेक्षक सहभागी हुने थारु नेताले जानककारी दिएका छन् । पर्यवेक्षक सहित ८ हजारको सहभागितामा सम्मेलन गर्ने तयारी भएको थारु नेता लक्ष्मण थारुले बुधबार धनगढीमा पत्रकार सम्मेलन गरी जानकारी दिए । टीकापुरका भड्कीएको सद्भावलाई शान्तिपूर्ण ल्याउने उद्देश्यका साथ सम्मेलन हुने लागेको थारु अगुवाले जानकारी दिए ।
प्रशासन, प्रहरीसंग घनिभूत रुपमा छलफल गरी शान्तिपूर्ण रुपमा राष्ट्रिय सम्मेलनका तयारी भएको नेता लक्ष्मणले जानकारी दिए । ‘सम्मेलन शान्तिपूर्ण रुपमा प्रहरी र युवा स्वंयम्सेवकहरुको घेरा भित्र हुने छ’ उनले भने । ‘त्यसका लागि टीकापुर सिटिहल क्षेत्रमा सिसि क्यामरा पनि जडान गरेका छन् ।’ सुरक्षाका लागि ३ सय जना युवा स्वंयम्सेवकहरु परिचालन गरिने उनले जानकारी दिए । सम्मेलन स्थलमा पनि प्रहरी र स्वंयम्सेवकले चेक जाँच गरेपछि मात्र भित्र जान अनुमति दिने उनले बताए । सम्मेलनमा सहभागि हुने पाउनाहरुका लागि गाउ गाउँमा आवासको व्यवस्था गरिएको उनले जानकारी दिएका छन् ।
सम्मेलनप्रति थारु मात्र नभएर गैर थारु पनि उत्साहित भएको पुर्व साँसद समेत रहेका कृष्णकुमार चौधरी बताए । सम्मेलनमा डा. बाबुराम भट्टराई, महन्त ठाकुर लागयतका नेताहरुको सहभागिता रहने छ । सम्मेलनको पहिलो दिन ७ गते उद्घाटन समारोह, ८ गते बन्द सत्र र ९ गते समापन हुने धनगढीमा भएको पत्रकार सम्मेलनमा जानकारी दिएको छ ।
यस्तै सम्मेलनलाई सद्भावपूर्ण बनाउनका लागि अतिरिक्त कार्यक्रमको समेत आयोजना गरिने भएको छ । ५ गते बिहान ६ बजे सद्भाव सरसफाई अभियान र ६ र ७ गते वृहत रक्तदान कार्यक्रमको आयोजना गरिने जानकारी दिएको छ ।
२०७२ भदौ ७ गते टीकापुरमा भएको दुःखद घटनामा ८ सुरक्षाकर्मी र १ नाबालकले ज्यान गुमाएका थिए । थरुहट थारुवान आन्दोलन पक्षधर र सुरक्षाकर्मीबीच भएको झडपमा सो घटना भएको थियो ।