बाजुरा १६ पुस/ सर्वाधिक सास्ती खेप्नुपर्ने साँफे–मार्तडी सडक खण्ड अन्तरगत बडिमालिका नगरपालिकाद्धारा बुढीगंगा नदीमा कामचलाउ काठेपुल निर्माण गरेको छ । सदरमुकाम मार्तडीसम्म यातायात सञ्चालन सँगै सामान ढुवानीमा हसहज थियो । स्थलगत भ्रमण गर्दा यातायात ठप्प भएको अवस्था र सदरमुकाम लगायतका बजारमा दैनिक उपभोग्य सामाग्रीको मुल्य बृद्धी हुंदा नागरिकले सास्ती खेप्न नपोरोस् सभन्ने हेतुुले कामचलाउ काठेपुल निर्माण गरेको बडीमालिका नगरपालिका नगरप्रमुख पदम बडुवालले बताउनुभएको छ । काँठेपुल निर्माण गरेर मंगलबार बिहानबाट बाट यातायात सञ्चालनमा आएका छन् ।

काँठेपुल निर्माणमा बेलिब्रिज निर्माण गरिरहेको डोजरलाई प्रयोग अन्य ब्यबस्थापन नगरपालिकाले गरेको नगरपािलकाका प्रमुख प्रशासकिय अधिकृत रंगमल विकले वताउनुुभयो । बुढीगंगा नदिमा एमके कन्ट्रक्सन धनगढीले बेलिब्रिज निर्माणको कार्य सुरु गरिसकेकोछ तर उक्त बेलिब्रिज निर्माणमा केही थपसमय लाग्ने भएपछि नगरपालिकाले जिप, ट्याक्टर, मिनिटाटा, वाइक गुड्ने गरि काँठेपुल निर्माण गरेको बडिमालिका नगरपालिकाका प्रमुख प्रशासकीय अधिकृत विकले वताउनुुभयो । उक्त पुल निर्माण गर्दा करिव एक लाख रुपियाँ वरावर खर्च भएको अधिकृत विकले वताउनुभयो ।

गत साउन २५ को आएको बाढीले बाजुरामा करोडौं रुपियावरावर क्षर्त भएको थियो । जडाङ्गामा रहेको बेलिब्रिज बगाउदा सदरमुकाम मार्तडी सम्मको सम्पर्क बिच्छेद भएको थियो । खोलामा पुल नहुँदा मार्तडी सम्म जिप सञ्चालनमा आउन सकेका थिएनन् । बेलिब्रिज निर्माण कार्य सुरु भइसकेको र माघ महिनाको मसान्त सम्म काम सम्पन्न गरीसक्ने सडक डिभिजनले कार्यालय अछामले वताएको छ । बेलिबिज्र बगाएको ठाँउमा गत असोजमा नेपाली सेना, प्रहरी र स्थानियको सक्रियतामा काठेपुल निर्माण गरी खच्चड र मानिस आवतजावत गर्न सहज पारिएको भएपनि अहिले बडिमालिका नगरपालिकाले ठुलो काठेपुल निर्माण गरेसंगै सवारी साधनलाई आवतजावतमा सहजता भएको छ ।

यद्येपी २०५२ सालमा सिलान्यास गरेको सांफे –मार्तडी ५७ किमि सडक हाल सम्म नियमित सुुचार हुन सकेको छैन । स्वायल टेष्ट गर्दा वार्जुगाड देखि जडाङ्गा सम्म करिव २५ किलोमिटर बाटो सडक सञ्जालका लागि उपयुक्त नभएको प्राविधकले वताउँदे आएका छन् । बलौटे माटो, दवारीको पहिरो र बुढीगंगा नदीको वर्षेनी कटानका कारण उक्त बाटो स्टेवल नभएको अछाम वाजुरा पूर्वाधार विकास कार्यालयका प्रमुख जंगवहादुर थापाले वताउनुभयो ।

साथै बाटोको दुराअवस्थाबारे पाटक पटक सम्बद्ध निकायको ध्यानाकर्षण गराउदै आएको प्रमुख थापले जानकारी गराउनुु भयो । साँफे मार्तडी सडक खण्डको ताँप्रीसेरा देखि मार्तडी सम्मको सडक एलाइनम्यान्ट परिवर्तन नगरेसम्म साँफे मार्तडी सडकबाट यात्रुले जहिले सास्ती खेप्नुपर्ने छ ।