धनगढी, ५ असोज
धनगढी उप–महानगरपालिका वडा नं ५ मा रहेको आदर्श नव यूवाक्लव निरन्तर त्रिनगरभन्सार नाका भएर भित्रिने नेपालीहरुको सेवामा खटिएको छ ।

यहाँ कैलालीको त्रिनगर सिमामै निशुल्क भोजनको ब्यबस्था मिलाईएको छ । धनगढी उप–महानगरपालिकाले आयोजना गरेको निःशुल्क भोजन कार्यक्रमको ब्यबस्थापन आदर्श नव यूवा क्लवले गरेको छ । त्यसमा होप ब्रिज संस्था लगायत धनगढीमा क्रियाशिल संघसंस्था, सहायोगी मनहरु, दाताहरुको रहेको छ ।

धनगढी उपमहानगरपालिकाका उप–प्रमुख सुशीला मिश्र भट्टले त्रिनगरभन्सार नाका भएर आउने नेपालीहरुलाई सहयोग गर्नका लागि सिमामै हेल्थ डेस्क , होल्डिङ्घ सेन्टर स्थापना गरिएको बताईन् । ‘ सिमामा नै आदर्श नव यूवा क्लवका साथीहरुले खाना पकाउने, खुवाउने काम गरिरहेका छन् उप–प्रमुख भट्टले भनिन्, ‘सबै सहयोगि मनकारीहरुको सहयोगले त्रिनगरनाका भएर भित्रीने नेपालीहरुलाई भोजनको ब्यबस्थापन गर्न सकेका हौं ।

आदर्श नव यूवा क्लवका अध्यक्ष निराजन खड्काले क्लवका प्रतिनिधीहरु खाना, पानीको ब्यबस्थापनमा खटिएको बताए । यो मानवीय कार्य हो त्यसैले पनि साथीहरु रातदिन सिमानामा खटिएका छन् अध्यक्ष खड्काले भने, यसमा धनगढी उप–महानगरपालिकाको राम्रो समन्वय रहेको छ ।