कञ्चनपुर, ११ असार –
सुदूरपश्चिमलाई हराउँदै एपीएफले प्रधानमन्त्री कप महिला क्रिकेट प्रतियोगिताको उपाधि जितेको छ । महेन्द्रनगरमा बुधवार भएको फाईनलमा सुदूरपश्चिम प्रदेशलाई ६ विकेटले पराजित गर्दै एपीएफले उपाधि जितेको हो ।

खेलमा टस हारेर ब्याटिङको निम्तो पाएको सुदुरपश्चिमले २० ओभरमा नौ विकेट गुमाउँदै ७१ रन बनाएको थियो । उसका लागि दुई खेलाडीले मात्र दोहोरो अंक जोड्न सके । जसमा रुवी पोदारले २४, कविता कुवँरले २२ बनाइन् ।

यस्तै मञ्जु बोगटीले आठ रन बनाउनु बाहेक अन्य खेलाडी एकपछि अर्को रुपमा पेभेलियन फर्किए । सुदूरपश्चिका चार खेलाडीले खाता खोल्न सकेनन् । बलिङमा एपीएफकी करुणा भण्डारी र सीता रानामगरले तीनरतीन विकेट लिए भने सोनु खड्का, ममता चौधरी र रेखा रावलले एक÷एक विकेट हात पारे । जवाफमा एपीएफले १५ ओभरमा चार विकेटको क्षतिमा लक्ष्य पूरा र्गयो । उसका लागि इन्दु बर्माले २२, सीता रानामगरले १८ र ज्योति पाण्डले १७ रन बनाए ।

यस्तै सोनु खड्का र ममता चौधरीले तीन÷तीन रनको योगदान दिए । उपाधिसँगै एपीएफले पाँच लाख रुपैयाँ हात पार्यो भने उपविजेता सुदूरपश्चिमले तीन लाखमा चित्त बुझायो । प्रतियोगितामा ८ टिमको सहभागिता रहेको थियो ।