धनगढी, २६ जेठ । न्यु उपदेश युवा क्लवको सामाजिक अभियान धनगढीका युवा व्यबसायी श्रेष्ठले साथ दिएका छन् । धनगढी ६ जालीका व्यवसायी श्रेष्ठ किराना पसलका संचालक समेत रहेका गणेश श्रेष्ठले क्वारेन्टिनमा रहेकालाई न्यु उपदेश युवा क्लवको नास्ता खुवाउने कार्यक्रममा एक दिनको नास्ताको आर्थिक सहयोग गरी सोमबार नास्ता खुवाएका छन् ।

युवा व्यबसायी गणेश श्रेष्ठले सोही स्थानको बासुदेवी उच्चमावि क्वारेन्टिनमा रहेकालाई नास्ता खुवाएका हुन् ।न्यु उपदेश युवा क्लवको क्वारेन्टिनमा नास्ता खुवाउने सामाजिक अभियानमा युवा व्यबसायी श्रेष्ठले क्वारेन्टिनमा रहेका ४४ जनाका लागि एक दिनको नास्ता (चना अण्डा) पकाउन आर्थिक सहयोग गर्नुभएको न्यु उपदेश युवा क्लबका अध्यक्ष श्रवण देउबाले जानकारी दिए ।

अध्यक्ष देउबाले सहयोगी मनकारी मनलाई न्यु उपदेश युवा क्लबकातर्फ बाट धन्यवादसमेत प्रकट गरेका छन् । क्लवले क्वारेन्टाईनमा रहेकोलाई हरेक दिन नास्ता खुवाउने अभियान सुरु गरेको छ । उक्त सामाजिक कार्यमा सबैलाई सहयोग गर्न समेत अनुरोध गरेको छ ।