धनगढी : कोरोना भाइरस भगाउन घर(घरमा दिपावली गरेको छ। सामाजिक सञ्जालमा चैत २३ गते साँझ पशुपतिबाट ज्योतिषले दियो बाल्न आग्रह गरेको भन्दै धनगढी लगायतका क्षेत्रमा दिपावली गरेको हो।

धनगढी उपमहानगरपालिका(२ की तुल्सी शाहले कोरोना भगाउन विश्वसमा घरमा दिपावली मनाएको बताइन्। ‘सामाजिक सञ्जालमा पशुपति क्षेत्रबाट ज्योतिषले अहिले साँझ दियो बालेर अन्धकार भएको विश्वलाई उज्यालोमा तर्फ लिन आग्रह गरेका छन्’, उनले भनिन्।

हिन्दुधर्म हरेक कुरामा विश्वस हुने भएकाले घरको दैलो र कौसीमा दियो बालेको धनगढीकै हरिश भट्टले बताए। कोरोनाको त्रासले नेपाललगायत विश्व पूर्ण रुपमा अहिले प्रभावित छ। नेपालमा सबै भन्दा बढी प्रभावित सुदूरपश्चिम प्रदेश छ।

प्रदेशको कैलाली ३ र कञ्चनपुरमा १ गरी ४ जनामा कोरोनोको संक्रमण भएको स्वास्थ्य तथा जसंख्या मन्त्रालयले जानकारी दिएको छ। विभिन्न क्षेत्रका व्यक्तिले सुदूरपश्चिम जोखिममा रहेको बताएका छन्।