धनगढी, १९ साउन / कैलाली बहुमुखी क्याम्पस एमविए अध्ययनरत सत्प्रतिशतहरुले फेलोसिप प्राप्त गरेका छन् । मुक्त कमैया विकास सञ्च कैलाली संगको सहकार्यमा क्याम्पसले विद्यार्थीहरुलाई ब्यावसाय र उद्यमलशीलता संग जोडेको हो । यसका लागि क्याम्पसले गत बैशाख महिनामा उक्त संस्था संग सम्झौता गरेको थियो ।

एमविए कार्यक्रमका संयोजक डाक्टर शिव सापकोटाका अनुसार मुक्त कमैया विकास मञ्चले आर्थिक सहयोग गरेका ब्यावसायीहरुलाई विद्यार्थीहरुले सहयोग गरिरहेका छन् । सहयोग गर्नका लागि एक ब्याबसायी–एक विद्यार्थीको जोडा बनाईएको छ । विद्यार्थीले ब्यावसाय प्रवद्र्धनका लागि उनिहरुलाई सिप र ज्ञान दिईरहेका छन्, संयोजक सापकोटाले भने,‘ यसरी सहयोग गरेवाफत विद्यार्थीहरुले दैनिक १ हजार २ सय रुपियाँ पाउने गरेका छन् ।” यो रकम फिनल्यान्डको ओम्यान्स बैंकको सहयोगमा मुक्त कमैया विकास मञ्चले विद्यार्थीलाई उपलब्ध गराउँने गरेको संयोजक सापकोटाले बताए ।

यो कार्यक्रमबाट ब्यवसायको ब्यवस्थित तारिकले रेकर्ड राख्न तथा आर्थिक विश्लेषण गर्न ब्यावसायीहरुलाई सहयोग पुगेको मुक्त कमैया विकास मञ्चका ब्यावसाय अधिकृत प्रदिप चौधरीले बताए । उनले भने, ‘ यसबाट विद्यार्थीहरुलाई ब्यावसायमा हुने यथार्थ समस्या र ब्यबसायीक सिप पनि सिकाउछ । ब्यावसायमा भएको प्रगती प्रतिवेदन हरेक तीन महिनामा ब्यावसायीहरु संग मिलेर क्याम्पसलाई बुझाउने तथा सिकाई अनुभव आदानप्रदान गर्ने कार्ययोजना रहेको विद्यार्थी सिर्जना चौधरीले बताईन ।

फेलोसिप पाउनेमा २० भन्दा बढी विद्यार्थीहरु रहेका छन् । विद्यार्थीहरुले धनगढी उपमहानगरपालिका र गोदावरी नगरपालिकामा काम गरिरहेका छन् । ३७ जना ब्यावसायीले यसबाट लाभ पाएका छन् ।