काठमाडौँ, १६ साउन / नेपाली कांग्रेस निवर्तमान सभापति शेरबहादुर देउवा २४ गते नेपाल आउने भएका छन् । उपचारको हङकङमा रहेका देउवा २४ गते नेपाल फर्कने तय भएको उनी निकट स्रोतले जानकारी दियो ।

‘उहाँले १३ गते नै नेपाल आइपुग्ने तयारी गर्नुभएको थियो । तर डाक्टरले थप एक हप्ता आराम गर्नुपर्ने भनेपछि २४ गते फर्कने तय भएको छ ।’ उनी निकट स्रोतले भन्यो ।

जेनजी आन्दोलनमा आक्रमणमा परेका देउवा दम्पत्ति निर्वाचनको मुखमा उपचारको लागि हङकङ लागेका थिए । त्यसपछि उनी फर्किएका छैनन् ।

साउन २९ देखि ३१ गतेसम्म कांग्रेस संस्थापन इतर पक्षले काठमाडौंमा राष्ट्रिय भेला गर्दैछ । जसका लागि डा. शशांक कोइरालाको संयोजकत्वमा राष्ट्रिय भेला आयोजक समिति समेत गठन गरिएको छ । सोही भेलालाई लक्षित गरी देउवा नेपाल आउन लागेको बुझिएको छ ।