धनगढी ३ मंसिर/सुदूरपश्चिम रोयल्स आज नेपाल प्रिमियर लिग ९एनपीएल० दोस्रो संस्करणको आफ्नो पहिलो खेल खेल्दै छ । कीर्तिपुरस्थित त्रिवि क्रिकेट मैदानमा अपराह्न ४ बजे सुदूरपश्चिम रोयल्सले काठमाण्डू गोर्खाजको सामना गर्ने छ ।

यसअघि, यी दुई टिमले पहिलो संस्करणमा एकपटक एक–अर्काविरुद्ध प्रतिस्पर्धा गरेको थिए । लिग चरणको उक्त खेलमा सुदूरपश्चिमले काठमाण्डूविरुद्ध ७३ रनको सहज जित निकालेको थियो ।

प्रतियोगितामा काठमाण्डूको यो दोस्रो खेल हो । काठमाण्डूले यसअघि पहिलो खेलमा साविक विजेता जनकपुर बोल्ट्सलाई पाँच विकेटले निराश बनाएको थियो । प्रतियोगितामा हालसम्म तीन खेल सम्पन्न भइसक्दा काठमाण्डूसँगै चितवन राइनोज र विराटनगर किंग्सले जित निकालेका छन् ।

यता, साविक विजेता जनकपुरसँगै पोखरा एभेन्जर्स र कर्णाली याक्सले दोस्रो संस्करणको सुरुआत हारबाट गरेका छन् । प्रतियोगितामा लुम्बिनी लायन्सले भने अझै खेल्न बाँकी छ ।