काठमाडौं– राष्ट्रपति रामचन्द्र पौडेलले शुक्रवार राति पूर्व प्रधान न्यायाधीश सुशीला कार्कीलाई अन्तरिम मन्त्रिरिषदको प्रधानमन्त्री नियुक्त गरेका छन् ।
आन्दोलनरत जेन जीहरुसँगको वार्तापछिको समझदारीका आधारमा राष्ट्रपति पौडेलले कार्कीलाई निर्वाचन गराउने प्रयोजनका लागि प्रधानमन्त्री नियुक्त गरेका हुन् ।
शुक्रवार राति नै कुलमान घिसिङ तथा ओमप्रकाश अर्याल पनि मन्त्री नियुक्त हुने भएका छन् ।
यद्यपि, नौ बजे नै हुने भनिएको प्रधानमन्त्री कार्कीको सपथ ग्रहण भने ९ः३० मात्रै हुने भएको छ । तयारीका केही काम बाँकी रहेकाले सपथ ग्रहणका समय आधा घण्टा पर सारिएको राष्ट्रपति कार्यालयले जनाएको छ ।
शपथ ग्रहणपछि कार्कीको नेतृत्वमा मन्त्रिपरिषद्को पहिलो बैठक बसेर प्रतिनिधिसभा विघटनको सिफारिस गर्ने तयारी छ ।
