धनगढी, ८ भदौ / धनगढीमा एकाउन्टविलिटी ल्याबको आयोजना तथा धनगढी उपमहानगरपालिकाको सहकार्यमा स्थानीय युवा नीतिको महत्त्व र आवश्यकता बिषयक छलफल कार्यक्रम गरिएको छ। धनगढीको आस्था होटेलको सभाहलमा विभिन्न क्षेत्रमा आवद्ध रहेका ४० जना युवाको उपस्थितिमा स्थानीय युवा नीतिको महत्त्व र आवश्यकता बिषयक छलफल कार्यक्रम गरिएको एकान्टबिलिटी ल्याबका कार्यक्रम संयोजक गंगा भण्डारीले बताइन्।
हरेक स्थानीय सरकारले युवा नीति बनाउनु आवस्यक रहेको र नीति निर्माण गर्दा युवाको सहभागीतालाई प्राथमिकतामा राख्नु पर्ने बिषयमा युवा शान्ति परिषद्का अध्यक्ष प्रेम ढुङ्गानाले जोड दिए ।
सुदूरपश्चिम प्रदेशकै केन्द्र रहेको धनगढी उपमहानगरपालिकाले युवा नीति निर्माण गर्न विशेष पहल चाल्नु पर्ने र युवाहरुले पनि सक्रियता देखाउनु पर्ने बिषयमा केन्द्रीत भएर कार्यक्रममा सहभागि भएका युवाहरुले छलफल गरेका थिए।
साथै पछिल्लो समयमा प्रति दिन बढ्दै गएको बेरोजगारी , युवाहरु लागु पदार्थसेवन गरेर बिग्रिदै गएका , त्यस्ले निम्त्याएका समस्या , धनगढी उपमहानगरपालिकाले चाल्नु पर्ने पहल कदमी र युवा कसरी मूलधारमा आएर आफ्नो नीति आफै निमार्ण गर्न सक्छन् , युवाको भूमिका के र महत्त्व र आवश्कता किन ? भन्ने सवालहरु माथि वृहत छलफल गरिएको हो ।
कार्यक्रमको सञ्चालन एकाउन्टविलिटी ल्याबका तेज बोहोराले गरेका थिए भने , कार्यक्रम बारे जानकारी एकाउन्टविलिटी ल्याबकी कार्यक्रम संयोजक गंगा भण्डारीले गराएकी थिइन्।
