सुदूरपश्चिम प्रदेशमै सर्वाधिक सङ्ख्यामा १०६६ एक हजार छासठ्ठी विद्यार्थीहरू लाई अध्यापन गराई रहेको एसपीए कलेजबाट ५६१ पाँच सय एकसट्ठी विद्यार्थी पास भएका छन् । जम्मा विद्यार्थी सङ्ख्या बढी भएकोले नतिजा प्रतिशतमा कमी देखिए पनि सङ्ख्याको आधारमा उल्लेखित विद्यार्थी पास आउट सङ्ख्या सुदूरपश्चिम प्रदेशकै सर्वाधिक हो ।

यस्तै, एसपीए कलेजमा कानुन संकाय अध्ययनरत विद्यार्थी रमित ढुङ्गानाले कानुन विषयबाट ३.७२ ग्रेड ल्याउँदै सुदूरपश्चिम प्रदेश समेत टप गरेका छन् ।

एसपीए कलेजले सुदूरपश्चिम प्रदेशमा यस पटकको कक्षा १२ को नतिजामा सबै भन्दा धेरै विद्यार्थी पास गराउने शैक्षिक संस्थाका रूपमा इतिहास कायम गरेको कुरा अभिभावक तथा सम्पूर्ण सरोकारवालाहरू सँग सेयर गर्न पाउँदा निकै हर्षित भएको बताउँदै एसपीए कलेजका क्याम्पस प्रमुख योगराज उपाध्यायले कानुन विषयबाट सुदूरपश्चिम प्रदेशमा टप गर्न सफल विद्यार्थी रमित ढुङ्गानालाई बधाई समेत दिएका छन् ।

”सुदूरपश्चिम प्रदेशमा यस पटकको कक्षा १२ को नतिजामा इतिहास रच्न पाएको खबर सेयर गर्न पाउँदा निकै हर्षित छौँ । यस सँगै राष्ट्रिय तथा अन्तर्राष्ट्रिय पुरस्कार प्राप्त हाम्रो कलेजमा स्नातक तहका विभिन्न सङ्कायमा भर्ना खुलेकोले समयमै भर्ना गरी भविष्य सुनिश्चित गर्न हुन अनुरोध गर्दछु ।” उपाध्यायले भने ।

यस पटकको कक्षा १२ को परीक्षाफलमा देशभरिबाटै नियमित तर्फको परीक्षामा ३ लाख ९० हजार ८६८ विद्यार्थी मध्ये २ लाख तीन हजार ८४७ विद्यार्थी उर्तिण भएका थिए ।