धनगढी, १५ भाद्र/बझाङका अगुवा स्वर्गीय र्हकबहादुर धामीको १३ औ दिनको पुन्यतिथीमा शुक्रबार धनगढीमा श्रद्धाञ्जली सभाको आयोजना गरिएको छ ।

सुर्मा साईपाल बचत तथा ऋण सकारी संस्था र सुर्मादेवी बझाङी समाजको संयुक्त आयोजनामा स्वर्गीय धामीकै निवासमा श्रद्धाञ्जली सभा गरिएको थियो । श्रद्धाञ्जली सभा कार्यक्तममा बझाङका अगुवा स्वर्गीय र्हकबहादुर धामीले समाजमा गरेको योगदानका बारेमा चर्चा गरिएको थियो ।

कृषि सामाग्री कम्पनीका प्रमुख भएर निवृत भएको स्वर्गिय धामीले सुर्मा साईपाल बचत तथा ऋण सकारी संस्था र सुर्मादेवी बझाङी समाजको स्थापना गर्नमा महत्वपुर्ण भुमिका खेलेका धामीको स्वर्गारोहणले बझाङगी समाजले एक महत्वपुर्ण व्यक्तीलाई गुमाएको बताएका थिए ।

सुर्मा साईपाल बचत तथा ऋण सकारी संस्थाका अध्यक्ष मदन रेग्मीको अध्यक्षतामा भएको श्रद्धाञ्जली सभामा सुर्मादेवी बझाङी समाजका अध्यक्ष, जनकबहादुर सिह, प्रध्यापक हरिकृष्ण कडायत, डा. गणेशबहादुर सिह, अमिर खाती, हरिलाल धामीले शोक मन्तव्य व्यक्त गरेका थिए ।