धनगढी ६ जेठ/सुदूरपश्चिम प्रदेशका नवनियूक्त मन्त्री तथा राज्यमन्त्रीले पद तथा गोपनियताको सपथ लिएका छन् ।सुदूरपश्चिम प्रदेशका मुख्यमन्त्री कमलबहादुर शाहले शनिबार नियूक्त गरेका मन्त्री तथा राज्यमन्त्रीलाई प्रदेश प्रमुख देवराज जोशीले पद तथा गोपनियताको सपथ खुवाएका हुन् ।

प्रदेशको सामाजिक विकास मन्त्रीमा नेकपा माओवादी केन्द्रका झपटबहादुर साउद, उद्योग, पर्यटन, वन तथा वातावरण मन्त्रीमा रमेश धामी र राज्यमन्त्रीमा गितादेवी माललाई नियूक्त गरेका थिए भने आन्तरिक मामिला तथा कानुन मन्त्रीमा नेपाली काँग्रेसका पृथ्वीबहादुर सिंहलाई नियूक्त गरेका थिए । नवनियूक्त मन्त्री तथा राज्यमन्त्रीले पद तथा गोपनियताको सपथ लिएपनि कार्यभार भने भोली (आइतबार)देखि सम्हाल्ने छन् ।