धनगढी, २४ चैत ।  धनगढीमा शनिवार हाफ म्याराथन प्रतियोगिता हुने भएको छ। ‘अब धनगढी दौडिन्छ’ भन्ने नाराका साथ धनगढी जेसिजले चैत २६ गते उक्त प्रतियोगिता आयोजना गर्न लागेको हो।

नयाँ वर्ष २०७९ को पूर्वसन्ध्यामा आयोजना हुन लागेको ‘मुख्यमन्त्री जेसिज एभरेस्ट धनगढी हाफ म्याराथन’को तयारी पूरा भएको प्रतियोगिताका मूल संयोजक महेश्वर ओझाले बताए। धनगढी हाप म्याराथनलाई सुदूरपश्चिम खेलकुद परिषद्ले मुख्य प्रायोजन गरेको छ। जसमा खुल्ला दौड, कर्पोरेट मिडिया दौड, महिला, विद्यार्थी र ट्राई सार्ईकल गरी ५ विधामा प्रतिस्पर्धा हुने आयोजक धनगढी जेसीजले जनाएको छ।

खुल्ला दौड प्रतियोगितामा २१।५ किलोमिटरको रहने छ। भने, सो प्रतियोगितामा प्रथम हुनेलाई ५५ हजार ५ सय ५५, द्धितिय हुनेलाई ३३ हजार ३ सय ३३ तृतीय हुनेलाई २२ हजार २ सय २२ नगद पुरस्कार दिइने आयोजकले जनाएको छ।

कर्पोरेट मिडिया दौड, महिला र विद्यार्थीको सवालमा भने ५ किलोमिटरमा प्रतिस्पर्धा हुनेछ। जसमा प्रथम हुनेलाई ५ हजार ५ सय ५५, द्धितिय हुनेलाई ३ हजार ३ सय ३३ तृतीय हुनेलाई २ हजार २ सय २२ नगद पुरस्कार दिइने आयोजकले जनाएको छ। ट्राई साइकलमा सहभागी सबै सम्मानसहित पुरस्कार दिइनेछ। प्रतियोगितामा सहभागी हुनेहरु अहिले सम्पर्कमा अइरहेको आयोजकले जनाएको छ।