धनगढीः सुदूरपश्चिम विश्वविद्यालयमा तालाबन्दी गरिएको छ। नेकपा एकीकृत समाजवादी निकट विद्यार्थी संगठन अनेरास्ववियूले बुधबार विश्वविद्यालयका उपकुलपति डा।अम्मराज जोशीको कार्यकक्षमा तालाबन्दी गरेका हुन्।

अनेरास्ववियूले एक विज्ञप्ती जारी गर्दै विश्वविद्यालयमा चरम बेथिति मौलाएको जनाएको छ। यस्तै विश्वविद्यालयले विभिन्न तहमा गरेका राजनैतिक नियुक्ती खारेज गर्नुपर्ने र अवैध रुपमा बेथिति मौलाएकाले यसमा सुधार गर्नुपर्ने अनेरास्ववियू कञ्चनपुरका सह(संयोजक प्रज्वल कुँवरले बताए।

उनले पछिल्ला दिनहरुमा विश्वविद्यालयका पदाधिकारीकै मिलेमतोमा विश्वविद्यालयको अवस्था धरासायी बन्दै गएकाले आन्दोलन स्वरुप तालाबन्दी गरेको बताए। यस्तै अन्य थुप्रै मागहरुसहित आफूहरुले तालाबन्दी गरेको र माग पुरा नहुँदासम्म ताला नखोल्ने उनको भनाइ छ।

विश्वविद्यालयले लिने विभिन्न किसिमका शुल्कहरु समेत चर्को भएकाले अनेरास्ववियूको माग छ। यता, विश्वविद्यालयका उपकुलपति डा।अम्मराज जोशीले भने आफू काठमाडौंमा रहेको र यसबारे सामान्य जानकारी मात्र आएको बताए। उनले भने, “हाम्रो विश्वविद्यालयमा तालाबन्दी गर्ने प्रवृत्ति नै भयो। म गाडीमा छु, म अहिले बोल्न सक्दिन।” आफू संघीय राजधानीतिरै भएकाले विस्तृत जानकारी नआएको उनको भनाइ छ।