सरस्वती साफरी
धनगढी,२३ असोज
अहिले दशैं तिहारको विदा छ । घर विदामा कैलालीका नजिकका पर्यटक स्थल घुम्ने सोचमा हुनुहुन्छ ?
दशैंमा विदा हुने हुदा सबै घरमा बसेर रमाइलो गरिन्छ । सब परिवारसगै हुने भएकाले कम पैसामा पनि कैलालीका धेरै पर्यटकिय स्थलहरु घुम्न सकिन्छ ।

दशैंमा खानेकुराका परिकार बनाउने, आफ्नो भेषभुसाका लत्ताकपडा लगाएर घरमा रमाइलोसंगै अहिले अधिकाँस मानिस नयाँ नयाँ ठाउँ घुम्न र नयाँ अनुभव लिन चाहन्छन ।

जाखोर ताल
कैलालीस्थित धनगढीको मुख्य बजारदेखि झण्डै मोटरसाईकलमा १५ मिनेटको दुरीमा पुगिन्छ जाखोर ताल । पिक्निकका लागि प्रचलित यो ताल आजभोली मानिसहरु घुम्नका लागि उत्साहित छन ।
तालको छेउमै रहेको छ । वनस्पति उद्यान । विभिन्न प्रजातीका जडिबुटी र बनाइएका संरचनाले पनि तालको सौन्दर्यता बढाएको छ । जाखोर ताल घुम्न जाने मानिसले सो उद्यानमै रमाउने गरेका छन ।

बेहडाबाबा मन्दिर
धनगढीको मुख्यबजारदेखि झण्डै २० किलोमिटरको दुरीमा पर्छ बेहडाबावा मन्दिर । धार्मिक रुपमा प्रयोग हुँदै आएको सो बेहडाबावामा रहेको तालले पर्यटकलाई आकर्षण गर्छ । तालको बिचमा रहेको मन्दिरसम्म पुग्नका लागि डुङ्गाको प्रयोग गरिन्छ ।

गोदावरी क्षेत्र
कैलालीको धार्मिक स्थलका रुपमा विकास हुँदै गएको छ गोदावरी धाम । सैनिक व्यारेकदेखि उकालो लाग्दा ठाउँमा ठाउँमा रहेका मन्दिर, भगवानका मूर्ति र गोदावरी नदी र त्यहाँ स्थित पुलमा पर्यटकहरु घुम्न उत्साहित हुन्छन ।

गोदावरी क्षेत्र धनगढीको मुख्यबजारदेखि झण्डै २१ किलोमिटरको दुरीमा छ । गोदावरी धामसंगै गोदावरी नगरपालिकामा हाटखोली, लामीताल, बनदेवी मन्दिर, बुढीताल, भल्का पिक्निकस्थल, मछेली नदी पर्यटकीय स्थल छन ।
यस्तै, कैलालीको धनगढीदेखि पूर्वपश्चिम राजमार्गको यात्रा गर्दा गौरिगंगा नगरपालिकामा राधाकृष्ण मन्दिर, कालिका मन्दिर, बागडोला मन्दिर, गायत्री अनुष्ठान, दैद्वारी मन्दिर, गोलादेउ मन्दिर, मोहन्याल मन्दिर, सप्तऋषि आश्रम, शिव मन्दिर, कालिका मन्दिर, रामकृष्ण मन्दिर र मोहन्याल बाबा मन्दिर छन ।

घोडाघोडी ताल
कैलालीको सिमसार क्षेत्रका रुपमा रहेको घोडाघोडी ताल आन्तरिक तथा बाह्य पर्यटकको आकर्षणको केन्द्र पर्छ । धनगढीको मुख्यबजारदेखि पूर्वपश्चिम राजमार्गको यात्रा गर्दा ५५ किलोमिटरमा पुग्न सकिन्छ ।
घोडाघोडी नगरपालिकामा विश्व सिमसार सूचिमा सुचिकृत घोडाघोडी ताल हो । नगर प्रमुख ममताप्रसाद चौधरीले घोडाघोडी नगरपालिकामा सबैभन्दा बढी सामुदायिक वन, तालतलैया रहेको बताए ।

टीकापुर पार्क
कैलालीको टीकापुर नगरपालिकामा रहेको टीकापुर पार्क स्थानीयका लागि पिक्निक र आन्तरिक तथा बाह्य पर्यटकको रोजाईमा पर्छ ।

यस्तै, कैलालीको भजनी नगरपालिका, टीकापुर र जानकी नगरपालिकाको प्रमुख पर्यटकिय गन्तव्यका रुपमा डल्फिन क्षेत्र रहेको छ ।

कर्णाली पुल
कैलाली र बर्दिया जिल्ला जोड्ने कर्णाली पुल हो । एक खम्बामा बनेको सो पुलमा आन्तरिक तथा बाह्यक पर्यटकको आकर्षण रहेको छ । कर्णाली पुलसंगै लम्कीचुहा नगरपालिकामा कर्णाली नदीमा ¥याफटिङ पनि रहेको छ ।

यस्तै, बर्दगोरिया गाउँपालिकाले बर्दगोरिया धाम, कैलारी गाउँपालिकाले बनदेवी मन्दिरमा पार्क निर्माण, कालीमाई मन्दिर, कोईलही ताल, सामरचौरा गाउमा होमस्टे संचालन र शिव मन्दिर खरेटी गाउ रहेको छ ।
जोशीपुर गाउँपालिकाले लभ्ली पार्क, चुरे गाउँपालिकाले गर्भा दरवार, कम्पासे धुरा, रातीपहिरो क्षेत्र रहेका छन ।