धनगढी, १७ असोज
नेपाली कांग्रेस कैलालीले शनिवार अयोजना गरेको एक दिवसीय अनुशिक्षण कार्यक्रम धनगढीमा सम्पन्न भएको छ ।

नेपाली काँग्रेस कैलालीको जिल्ला प्रशिक्षण शाखाले स्थानीयतहका वडा सभापतिहरुका लागि क्रियाशिल सदस्यता नविकरण तथा नयाँ सदस्यता वितरण विधि एवं प्रक्रिया, विधान, नियमावली, स्थानीय तह अधिवेशन एवं संगठन, केन्द्रिय परिपत्र सम्बन्धि अनुशिक्षण कार्यक्रम आयोजना गरेको थियो ।

नेपाली कांग्रेस कैलालीका सभापती नर नारायण शाह ‘मनु’ ले वडा सभापतीहरुलाई क्रियाशिल सदस्यता नविकरण तथा नयाँ सदस्यता वितरण विधि एवं प्रक्रिया, विधान, नियमावली, स्थानीय तह अधिवेशन एवं संगठन, केन्द्रिय परिपत्र सम्बन्धि जानकारी गराउन अनुशिक्षण गरिएको बताए । ‘कतिपय साथीहरुमा नयाँ विधान, नियमावलीका बारेमा आलमल हुनु स्वभाविक हो,सभापती शाहले भने,‘यो अनुशिक्षणले सबैलाई प्रावधानहरु बुझ्ने अवसर दिएको छ ।

नेपाली कांग्रेस कैलालीका उप–सभापती तथा प्रशिक्षक संयोजक प्रकाश बमले अनुशिक्षण कार्यक्रम निकै प्रभावकारी भएको बताए । ‘संशोधित विधान आएपछि वडा सभापतीहरु संग छलफल हुन पाएको थिएन उप–सभापती बमले भने, ‘त्यस कारण कार्यक्रम राखिएको हो ।’

नेपाली कांग्रेस धनगढी उप–महानगरपालिकाका नगरसभापती नृपबहादुर वडले क्रियाशिल सदस्यता नविकरण तथा नयाँ सदस्यता वितरण पूर्व गरिएको यो अनुशिक्षणले काम गर्दा सबैलाई सजिलो बनाउने बताए । नेपाल तरुणदल कैलालीका नेता अमृत बिसीले स्थानीयतहका सबै वडासभापतीहरुको अनुशिक्षणमा सक्रिय सहभागिता रहेको बताए ।