धनगढी, १४ असोज
धनगढी उप–महानगरपालिका वडा नं ८ को वडा कार्यालय भवनको बुधवार शिलन्यास गरिएको छ ।

धनगढी उप–महानगरपालिकाका प्रमुख नृपबहादुर वड, उप–प्रमुख सुशीला मिश्र भट्ट र वडा अध्यक्ष नारायणप्रसाद बरालले भवनको शिलन्यास गरेका हुन । ९० लाखको लागत स्टीमेटमा निर्माण भैरहेको वडा कार्यालय भवन एक बर्ष भित्रै निर्माण सम्पन्न हुने गरि ठेक्का सम्झौता गरिएको छ ।

नगरप्रमुख नृपबहादुर वडले १९ वटा वडा कार्यालयहरु मध्य अधिकांस वडाको भवन निर्माण सम्पन्न भैसकेको बताए । बाँकी रहेका वडा कार्यालय भवन पनि निर्माण आफ्नो कार्यकाल भित्रै सम्पन्न गरिने नगरप्रमुख वडले बताए । वडा कार्यालय ब्यबस्थीत नभए सम्म वडा तहको कार्य सम्पादन ब्यबस्थीत हुन सक्दैन नगरप्रमुख वडले भने, त्यसैले पूर्वाधार निर्माण प्राथमिकतामा पारेका हौं । उप–प्रमुख सुशीला मिश्र भट्टले वडा कार्यालयको राम्रो ब्यबस्थापन गर्न सकेमा त्यसको मनोवैज्ञानिक प्रभाव सेवाग्राही र सेवा प्रदायीमा पर्ने बताईन । उनले भनिन्, धनगढी उप–महानगरपालिकाले त्यस कारण आफ्नै ब्यबस्थीत वडा कार्यालयहरुको निर्माण थालेको हो ।

वडा अध्यक्ष नारायण बरालले कार्यालय निर्माणको काम समयमै सम्पन्न गर्नका लागि आफुले निर्माण कम्पनीलाई सहजीकरण गर्ने बताए ।