धनगढी, ४ असोज
होपव्रिज संस्थाले कैलालीको धनगढी उप–महानगरपालिकामा होल्डिङ सेन्टर र क्वारेन्टिनमा रहेका ब्यक्तिहरुका लागि खाद्यान्न तथा स्वास्थ्य सामाग्री उपलब्ध गराएको छ ।

संस्थाले त्रिनगरभन्सार नाकामा स्थापना गरिएको होल्डिङ सेन्टर, कवडहलमा स्थापना गरिएको क्वारेन्टिन र कनरीमा रहेको आईसोलेशनका लागि मसिनो चामल, दाल, मटर, तेल, नुन,अण्डा, सर्जिकल मास्क, हाईजिन किट, मास्क, सेनीटाईजर, तुथपेष्ट, साबुन, स्याम्फू, सेनीटरी प्याड लगायतका चिजहरु उपलब्ध गराएको हो ।

यी सामाग्रीहरु संस्थाका प्रदेश संयोजक महेन्द्र बमले धनगढी उपमहानगरपालिका कोभिड उपसमिति संयोजक नारायणप्रसाद बराललाई हस्तान्तरण गरेका हुन । संयोजक बमले कनरीमा उपलब्ध गराउनु पर्ने खाद्यान्न र स्वास्थ्य सामाग्री वडा नं १५ का अध्यक्ष फुलराम चौधरीलाई हस्तान्तरण गरेको बताए ।