धनगढी, १६ जेठ- रुकुम पश्चिममा भएको घटनाका दोषीलाई कारवाहीको माग गर्दै धनगढीमा प्रर्दशन भएको छ । उनीहरुले रुकुम चैजाहारी घटनाको निष्पक्ष छानविन गरी दोषीलाई हदै सम्मको कारवाहीको माग गरेका छन् ।
अन्तरजातीय प्रेम सम्बन्धका कारण पश्चिम रुकुममा भएको नरसंहारको विरोधमा दलित अधिकारकर्मीहरुले जिल्ला प्रशासन कार्यालय कैलालीमा धर्ना दिएका छन् । कैलालीका दलित अधिकारकर्मीले पश्चिम रुकुम हत्याकाण्डको बिरोधमा हत्यारालाई कडा सजाय हुनुपर्ने माग गर्दै धर्ना दिएका हुन् ।
घटनाबारे सत्यतथ्य छानबिन गरेर दोषीमाथि कारबाही गर्न समेत अधिकारकर्मीहरुले माग गरेका छन् ।
‘२१औ सताब्दीमा पनि जातिय विभेद गर्नु नै निन्दनिय हो’ दलित अधिकारकर्मी जातिय बिभेद र छुवाछूत जन्य घटना बिरुद्धको साझा संजालका संयोजक प्रेस बिसी भने–‘रुकुममा भएको घटना अमानवीय र क्रुर यातना भएकाले घटनाको निष्पक्ष छानविन गर्नुपर्छ ।’ अब यस्ता घटना नघटोस् भन्ने उदेश्यले दबाव दिन देशभर आन्दोलन सुरु गरेको बिसीले बताए ।
मानबहरुलाई सामान व्यबहार गर्नुपर्छ यसरी जातियताका कारण व्यबहार गर्न नहुने अधिकारकर्मी नृप सुनारले बताए । त्यस्ता क्रुर घटनामा संलग्न व्यक्तीहरुलाई कार्वाही गर्न हामी दलित अधिकारकर्मी संघर्षमा उत्रेको अधिकारकर्मी सुनारले बताए । अझै वेपत्ता भएकाहरुको तत्काल खोजविन गर्नुपर्ने बताए । प्लेकार्डसहित धर्ना बसेका प्रदर्शनकारीहरूले नवराज बिक हत्या प्रकरणमा दोषीलाई कडा कारबाही गर्न र राजनीतिक आडमा दोषीलाई उम्कन नदिन माग रहेको सामाजिक अभियन्ता अमृत बिसीले बताए ।
