धनगढी, २४ कार्तिक- बहुचर्चित म्युजिक एरेन्जर तथा सर्जक विनोद बाजुरालीको शव्द तथा लयमा चर्चित देउडा गायक लाल बहादुर धामी (अछामी बड्डा) को ‘ताउलो’ बोलको टिपिकल देउडा गीत सार्वजनिक भएको छ । यो गित छुट्टै स्वादमा स्रोता माझ पस्केको गायक धामीले बताएका छन् । यो गितले दर्शकको मन जित्ने धामीको आशा रहेको छ ।

आइतवार ‘म्यूजिक नेपाल’ को अफिसियल युट्युव च्यानलबाट उक्त गीतको म्युजिक भिडियो सार्वजनिक भएको हो ।‘ताउलो’ बोलको गीतमा देउडा गायक लाल बहादुर धामी र गायिका रेखा जोशीको स्वर रहेको छ । गीतको शव्द÷लय तथा संगित संयोजन विनोद बाजुरालीले गरेका हुन् ।

स्टुडियो मालश्रीमा रेकर्ड गरिएको उक्त गीतलाई खप्तड डिजिटल म्युजिक प्रालिले बजार व्यवस्थापन गरेको छ । गीतको म्यूजिक भिडियोको निर्देशन भीम थापाले गरेका हुन भने गीतको छायाकंन हरिस महरा र डिवि रौलेले गरेका हुन् । गीतको भिडियोमा गायक लाल बहादुर धामी र झरना बोहराले अभिनय गरेका छन् । गीतको केही भागको छायांकन बाजुराको त्रिवेणी नगरपालिकाको पैमामा गरिएको छ ।

गीतको भिडियो तल हेर्नुहोस ।