पवन महरा/ डोटी जेठ १५/

शिखर नगरपालिकाको समन्वय तथा साझेदारीमा नेपाल विद्युत प्राधिकरणले नगरक्षेत्रका विपन्न परिवारलाई निशुल्क विद्युत मिटर प्रदान गर्नेभएको छ । यो कार्यक्रम बुधबारबाट शुरु भएको छ । सोही अन्तर्गत बुधबार एक समारोहका बिचमा केही विपन्नहरुलाई मिटर प्रदान गरिएको छ । ग्रामीण क्षेत्रमा विद्युतिकरण गर्दा विपन्न परिवार सेवाबाट बञ्चितीमा नपरुन भनेर यो अभियान थालिएको नेपाल विद्युत प्राधिकरणका सुदूरपश्चिम क्षेत्रीय निर्देशक सतिशकुमार कर्णले बताए ।

‘प्राधिकरणले सामाजिक दायित्वबोध गरेर विपन्न नागरिकलाई सेवाबाट बञ्चितीमा पर्न नदिन यो अभियान थालेको छ,’ उनले भने,‘यसले सबै नागरिकलाई विद्युतको पहुँचमा पु¥याउने अभियान साकार हुनेमा विश्वस्त छु ।’ प्राधिकरणले निशुल्क प्रदान गर्न लागेको विद्युत मिटरको लागत दुई हजार पाँच सय ७५ रकम लाग्छ, भने जसको साथमा निशुल्क नै प्रदान भईरहेको ‘एमसिभी’को दुई सय ५० रुपैँया पर्ने प्राधिकरणले जनाएको छ । यसबाहेक विद्युतिकरण नभएका टोलमा दुईवटा पोल निशुल्क प्रदान गर्ने कार्यक्रम रहेको क्षेत्रीय निर्देशक कर्णले बताए । ‘दुईवटासम्म दिने प्राधिकरणको व्यवस्था नै छ । तर, हामी आवश्यक परे १० वटासम्म पनि दिनसक्छौ,’ उनले भने ।

प्राधिकरणले आगामी चारवर्षभित्र देशका सबै नागरिकलाई विद्युतको पहुँचमा पु¥याउने महत्वाकांक्षी योजना लिएको छ । त्यसैअनुरुप सुदूरपश्चिमका दूरदराजका गाउँवस्तीहरुमा विद्युतिकरण कार्यक्रम चलिरहेको क्षेत्रीय निर्देशक कर्णले जनाए । निशुल्क मिटर वितरण कार्यक्रम नगरपालिकाका सबै वडामा लागु हुने नगरपालिकाका प्रमुख सीताराम जोशीले बताए । ‘वडाको विपन्नता सिफारिसका आधारमा सबै वडाका परिवारलाई यो मिटर प्रदान हुन्छ,’ उनले भने,‘यसले हाम्रो यसै आर्थिक वर्षभित्र सबै घरधुरीलाई विद्युत सेवा पु¥याउने योजनामा टेवा पुग्ने अपेक्षा लिएका छौ ।’

सोही अनुसार नगरपालिकाले यथासिघ्र सेवा सुचारु गर्न प्राधिकरणसंग समन्वयमा बसेर यो कार्यक्रम शुरु गरेको बताए । ‘उहाँहरु अन्यत्र पनि जानसक्नुहुन्थ्यो । हामी निरन्तर समन्वयमा बसेर, नगरपालिकाले गर्नुपर्ने भूमिका निर्वाह गर्छौ भनेर यो कार्यक्रम शुरुवात गरेका छौ,’ उनले भने । क्याप्सन विपन्न नागरिकलाई निशुल्क विद्युत मिटर प्रदान गर्दै शिखर नगरपालिकाका प्रमुख सीताराम जोशी र नेपाल विद्युत प्राधिकरणका क्षेत्रीय निर्देशक सतिशकुमार कर्ण ।