कैलालीको भासु भीरमा डिभिजन वन कार्यालय बैतडीको जीपमाथि ढुङ्गा खसेर भएको दुर्घटनामा परी वन अधिकृत घाईते भएका छन्। ढुङ्गा खस्दा धनगढीबाट बैतडी जादै गरेको डिभिजन वनको बा २ झ २७६० नम्बरको पिकअफ बलोरो जीपमा लाग्दा डिभिजन वन अधिकृत केशव पराजुली घाईते भएको प्रहरीले जनाएको छ।

जिल्ला प्रहरी कार्यालय कैलालीका प्रवक्ता प्रहरी नायब उपरिक्षक दक्षकुमार बस्नेतले घाईते वन अधिकृतलाई उपचारका लागि धनगढीको माया मेट्रो अस्पतालमा भर्ना गरिएको जानकारी दिए। जीपको अगाडीको भागमा क्षती पुगेको र ढोका समेत टुटफुट भएको बस्नेतले बताए। सडक भने अवरुद्ध नरहेको प्रहरीले जनाएको छ।