धनगढी, ४ बैशाख/कैलालीमा पाँच दलिय गठबन्धनमा स्थानीय तहमा भागवण्डामा सहमति नभएपछि प्रदेश समितिमा पठाउने निर्णय भएको छ । पटक–पटक बसेको बैठकमा नेपाली काँग्रेसले आफु अगाडी रहेको स्थानमा दाबी गरेपछि सहमति जुटन नसेकका कारण प्रदेशमा पठाईएको हो ।

एकलो काँग्रेस आठ वटा स्थानीय तहमा वलियो छ । त्यसैमा लोकतान्त्रिक फोरम पार्टीका आधारमा ११ वटा स्थानिय तह काँग्रेस विजयी भएको थियो । काँग्रेसले धनगढी उपमहानगरपालिका, लम्की, घोडाघोडी, टीकापुर, गोदावरी, घोडाघोडी, नगरपालिका, चुरे, जोशीपुर, जानकी, कैलारी, जानकी, वर्दगोरिया गाउँपालिकामा काँग्रेसले दाबी गरेको छ ।माओवादी केन्द्रले भजनी नगरपालिका र कैलारी गाउँपालिका नछोड्ने भएपछि प्रदेशस्तरिय गठबन्धन संगठनमा पठाउने निर्णय गरेको बताए ।

जिल्लाको पाँच दलिय गठबन्धनको बैठकमा एस पार्टीले पाँच वटा स्थानीय तहमा आफनो दाबी निरन्तरता दिएको छ । बुधबार बसेको अनौपचारिक बैठकमा पनि सो पार्टीले कैलालीको गोदावरी, गौरिगंगा, घोडाघोडी र लम्कीचुहा नगरपालिका तथा चुरे गाउँपालिकामा दाबी जारी राखेको थियो । वैठकले भने कुनै निर्णय नलिई वैशाख ३ गते बस्ने गरि स्थगित गरेको थियो ।

२०७४ सालको निर्वाचनको मतभारका आधारमा नेपाली काँग्रेस र माओवादी केन्द्रको स्थानीय तहमा दाबी बढ्ने देखिएको छ ।
चार स्थानीय तहमा प्रमुख तथा अध्यक्ष रहेको नेपाली काँग्रेस र दुई स्थानीय तहमा बलियो रहेको माओवादी केन्द्रले २०७४ सालको निर्वाचनमा दोस्रो स्थानमा रहेका स्थानीय तहमा पनि दाबी गर्ने तयारी गरेको छ ।

२०७४ को निर्वाचनका आधारमा नेपाली काँग्रेसले कैलालीको गोदावरी, लम्की, टीकापुर नगरपालिका तथा चुरेमा दाबी गर्ने नेपाली काँग्रेस कैलाली सचिव केशव मिश्रले बताए । उनका अनुसार हाल धनगढी उपमहानगरपालिका, वर्दगोरिया, जानकी र जोशीपुर गाउँपालिकाको प्रमुख पदमा नेपाली काँग्रेसबाट निर्वाचित प्रतिनिधी रहेका छन ।