धनगढी, ११ चैत/नेपाली काँग्रेसकी नेतृ डाक्टर आरजु राणा देउवाले धार्मिक ज्ञान महायज्ञ केवल भौतिक पूर्वाधार निर्माण गर्ने मात्र नभएर हाम्रो आध्यात्मिक ज्ञान बढाउन बताएकी छन् । कैलालीको धनगढी उपमहानगरपालिका–७, देवहरियास्थित शिव माध्यमिक विद्यालयको शैक्षिक तथा भौतिक उन्नतीका लागि धार्मिक ज्ञान महायज्ञको उद्घाटन गर्दै नतृ राणाले सो कुरा बताएकी हुन् ।

‘भागवत पुराण जो वाचन गर्नुहुन्छ उहाँहरु धेरै महान हुनुहुन्छ । यति धेरै श्लोक । यति धेरै ग्रन्थ’ नेतृ आरजु राणा देउवाले भनिन्, ‘दुई वर्ष अघि मैले पनि घरमा भागवत वाचन गराएको थिए । कति धेरै ज्ञान हुनुपर्ने रहेछ भन्ने मलाई थाहा भयो । एउटा पिएचडी होइन् उहाँहरु १० वटा पिएचडी बराबरको ज्ञान हुदोरहेछ ।’ भागतवत सनातन धर्म मान्नेहरुका लागि सबैभन्दा ठूलो महत्वको ज्ञान भएको बताउँदै नेतृ डाक्टर आरजु राणा देउवाले हजारौ वर्ष अगाडि लेखिएको भएपनि अहिले पनि हाम्रो जिन्दगीमा दैनिक काम लाग्ने पथप्रदर्शक गरिरहने ज्ञान भएको बताइन् । ‘एक पटक सुन्न पाएपनि जुनी टर्छ रे हामीले अर्को जुनी लिइरहनु पर्दैन भन्ने कहावत छ’ नेतृ आरजु राणा देउवाले भनिन्, ‘गुरुले वाचन गर्नुहुन्छ, उल्था गर्नुहुन्छ । तपाईहरुले मन लगाएर सुन्नुहोस् ।’ धार्मिक ज्ञान महायज्ञ केवल भौतिक पूर्वाधार निर्माण गर्ने मात्र नभएर हाम्रो आध्यात्मिक ज्ञान बढाउन यो शुभ अवसर भएको नेतृ आरजु राणा देउवाले बताइन् ।

विद्यालयको भौतिक पूर्वाधारका लागि आफ्नो तर्फबाट गर्नुपर्ने सहयोग हुने बताएकी छिन् । ‘अब दश कक्षासम्म बन्ने र शिक्षकहरु पनि निजी श्रोतबाट चलिरहेको विद्यालय हो भन्ने जानकारी पाएको छु’ नेपाली काँग्रेसकी नेतृ डाक्टर आरजु राणा देउवाले भनिन्, ‘यसलाई पनि सरकारीमा कहिकतै गर्नसकिन्छ कि त्यसमा पनि म पहल गर्ने नै छु । आफ्नो तर्फबाट जे जति सहयोग गर्नसक्छु त्यो गर्नेछु ।’

चैत १७ गतेसम्म आयोजना हुने धार्मिक ज्ञान महायज्ञमा प्रमुख वाचक अन्तराष्ट्रिय भागवत भूषण वाचक शिरोमणी आचार्य नारायण शरण ज्यू पूज्य सञ्जेल जी महाराजले गरिरहेका छन् ।