डडेल्धुरा, २९ माघ । प्रहरीले डडेल्धुरामा अवैध मदिरा नष्ट गरेको छ। जिल्लाको गन्यापधुरा गाउँपालिका ५ रेलबाट प्रहरीले ७० पेटी अवैध मदिरा बरामद गरि नष्ट गरेको हो।

कोरालखोलाबाट मदिरा ल्याइरहेको खबर प्राप्त गरेपछि प्रहरीलाई खबर गरेको र वडा नम्बर ५ रेलबाट मदिरा बरामद गरिएको वडाध्यक्ष धर्मराज पडालले बताए।

बरामद गरिएको मदिरा प्रहरीले स्थानीय र जनप्रतिनिधिको रोहवरमा नष्ट गरेको बताइएको छ। गन्यापधुरा गाउँपालिकाले गाउँपालिका भित्र मदिरा बिक्री वितरणमा रोक लगाएको थियो।