धनगढी, ११ असार / धनगढीको माया मेट्रो अस्पतालमा कार्यरत एक चिकित्सकले पत्रकारलाई इथिक्स पढेर आउ भन्दै गैर जिम्मेवारीपूर्ण व्यवहार गरेका छन्। एक घटना विशेषको रिपोर्टिङमा गएका पत्रकारको समूहलाई मायामेट्रो अस्पतालका वरिष्ठ कन्सल्टेन्ट न्युरो सर्जन डा. हरि पौडेलले पत्रकारहरूलाई पत्रकारिताको इथिक्स पढेर आउनुस् भन्दै गैर जिम्मेवारीपूर्ण व्यवहार गरेका छन्।

आफन्तको अनुरोधमा गएका पत्रकारहरू बिरामीको अवस्था के कस्तो छ ? भनेर अस्पताल प्रशासनलाई जानकारी गराई डाक्टरलाई सोधपुछ गर्दा डा.पौडेल पत्रकारहरूमाथि जोस्सिएका थिए। रिपोर्टिङको लागि सुदूरपश्चिम अनलाइन टिभी पत्रकार सङ्घका अध्यक्ष भक्तराज जोशीको नेतृत्वमा गएका पत्रकारहरूलाई डाक्टरले इथिक्स पढेर आउ भनेका हुन ।

सुदूरपश्चिम अनलाइन टिभी पत्रकार सङ्घका अध्यक्ष भक्तराज जोशीले पत्रकार र पत्रकारितामाथि डा. पौडेलले आक्षेप लगाउने गरी दिएको अभिव्यक्तिमाथि घोरभत्सना रहेको बताएका छन्।

टिभी पत्रकार सङ्घका अध्यक्ष तथा कल २४ न्युजका सञ्चालक भक्तराज जोशी, सनराइज टेलिभिजनका समाचार प्रमुख सुदिप थापा, सुदुरपत्र अनलाइनका संवाददाता लवदेव धामी, सुदूरपश्चिमटाइम्सका सञ्चालक सम्पादक रमेश एडी, सामुदायिक खबरका सञ्चालक सम्पादक महादेव गिरी,जनबोली खबरका सञ्चालक हरिस भट्ट , लगायतको टोलीलाई अस्पताल परिसरमै डक्टर पौड्यालले यस्तो भनेका हुन् ।