धनगढी,९ असार/ धनगढी उपमहानगरपालिका–२ स्थित बैयाबेहडीमा एक युवती मृत अवस्थामा फेला परेकी छिन्।

जिल्ला प्रहरी कार्यालय कैलालीका अनुसार सोमबार बिहान कञ्चनपुरको पुनर्वास नगरपालिका–११ अमरबस्ती निवासी ३० वर्षीया रेणु चौधरी मृत अवस्थामा भेटिएकी हुन्। उनी सो स्थानमा कोठा भाडामा लिएर बस्दै आएकी थिइन्।

प्रहरी नायब उपरीक्षक (डीएसपी) राजकुमार सिंहका अनुसार मृत अवस्थामा भेटिएकी चौधरीको कोठाको ढोकामा बाहिरबाट ताल्चा लागेको थियो। प्रहरीले घटनास्थल सिल गरी आवश्यक अनुसन्धान अघि बढाएको जनाएको छ।

मृत्युको कारण खुल्न बाँकी रहेकाले घटनाको प्रकृति र पृष्ठभूमिबारे अनुसन्धान जारी रहेको प्रहरीले जनाएको छ।