धनगढी, ३ जेठ/नेपाली कांग्रैस कैलालीको जिल्ला सम्मेलन जेठ ५ गते हुने भएको छ । बुधबार कांग्रेस जिल्ला समितिले एक सूचना जारी गर्दै जेठ ५ गते १४ औं महाधिवेशन पछिको प्रथम कैलाली जिल्ला सम्मेलन हुन लागेको जनाएको हो ।

कैलारी गाउँपालिका वडा नम्बर ४ भितरियामा हुने सम्मेलनको तयारी तिब्र पारिएको हो । सम्मेलन हुनेस्थलमा मञ्च निर्माण कार्य भईरहेको छ । यही जेठ ५ गते सम्मेलन हुँदैछ । सम्मेलनको पार्टी सभापति तथा पुर्व प्रधानमन्त्री शेरबहादुर देउवाले उद्घाटन गर्ने छन् ।

सम्मेलन कैलारी गाउंपालिका – ४ भितरिया (कालीमाई मन्दिर परिसर) मा संचालन गरिने जिल्ला सभापति नारायण दत्त भट्टले बताएका छन । सम्मेलनमा कैलाली जिल्लावाट प्रतिनिधित्व गर्ने केन्द्रीय सदस्य, सुदूरपश्चिम प्रदेश समितिका पदाधिकारी तथा सदस्य, महासमिति सदस्य, महाधिवेशन प्रतिनिधि, जिल्ला प्रतिनिधि सभा क्षेत्र प्रदेश सभा क्षेत्र पालिका कार्य समितिहरु, वडा कार्य समितिहरु, टोल कार्य समितिहरुका पदाधिकारी तथा सदस्यहरु र सम्पूर्ण क्षेत्रीय प्रतिनिधि उपस्थित हुने जनाइएको छ ।