धनगढी, १ बैशाख/सुदुर पश्चिम प्रदेशका भौतिक पुर्बाधार बिकास मन्त्री माननीय प्रकाश देउवाले राना संस्कृती संरक्षण तथा बिकास मञ्चद्धारा धनगढी उपमहानगरपालिका ( १३ मा आयोजित दुई दिने राना थारु महोत्सबको उदघाटन गरेका छन् ।महोत्सवको उद्घाटन गर्दै मन्त्री देउवाले कैलाली कञ्चनपुरका राना थारुहरुको सामाजिक र मानबिय बिकासका लागि प्रदेश सरकारले आवश्यक नीति र कार्यक्रमहरु ल्याउने बताए ।मन्त्री देउवाले यस्ता महोत्सवले रानाथारु संस्कृति संरक्षण तथा सामाजिक बिकास र साँस्कृतिक पर्यटन बिकासमा महत्वपूर्ण भूमिका खेल्ने बताए ।

महोत्सवमा आयोजक राना संस्कृती संरक्षण तथा बिकास मञ्चले मन्त्री देउवालाई ५ बूँदे ज्ञापन पत्र समेत पेश गरेका थिए । ज्ञापन पत्रमा धनगढी उपमहानगरपालिका वडा न १३ मा निर्माणाधीन रानाथारु संग्राहलयको जग्गाको स्वामित्व संग्राहालयको हुनु पर्ने, संग्राहालयको निर्माणका लागि प्रदेश सरकारले समन्वयकारी भूमिका खेल्नु पर्ने, महोत्सवको लागिआगामी दिनमा बजेटको ब्यवस्था गर्नु पर्ने, मञ्चले संचालन गरिरहेका जनचेतना र शैक्षिक कार्यक्रमका लागि सरकारले बजेट ब्यवस्थापन गर्नु पर्ने माग समेटिएका छन् ।

महोत्सबको उद्घाटन कार्यक्रममा बोल्दै धनगढी उपमहानगर पालिकाका उपमेयर कन्दकला राना, कृष्णपुर नगरपालिकाका उप प्रमुख, वडा नम्बर १३ का वडा अध्यक्ष बिजयराज जोशीले महोत्सवको सफलताका कामना गरे । बिगत १३ बर्ष देखि नयाँ बर्षको अवसर पारेर सञ्चालन हुदै आएको महोत्सव यस पटक दुई दिन सम्म चल्नेछ । महोत्सवमा राना समुदायका संस्कृती, खानाका परिकार र कलाकारले संस्कृती झल्काउने पहिरन, नाँचगान र गित प्रस्तुत गरेका थिए । महोत्सवको मुख्य प्रवर्धक धनगढी उपमहानगरपालिका वडा नम्बर १३ रहेको छ ।