किशोर तामाङ
पुनर्वास ३ जेठ – कंचनपुरको दक्षिण क्षेत्र पुनर्वास नगरपालिकामा मंगलबार (आज) राती साढे नौ बजेदेखि पुनर्वास नगरपालिका वडा नम्बर -१० बाट मतगणना सुरु भएको छ ।

बैशाख ३० गते भएको स्थानीय तह निर्वाचनमा पुनर्वास-१० स्थित विजय माध्यमिक विद्यालयको मतदान केन्द्रमा फर्जी मतदाताले मतदान गरेको पाएपछी चुनाव स्थगित भएका कारण मतगणनामा ढिलाई भएको निर्वाचन अधिकृतको कार्यालयले जनाएको छ।

फर्जी मतका कारण तनवपुर्ण बनेको वडा नम्बर १०को मतदान सर्वदलीय बैठक बसी पुन मतदान गराउने सहमति बनेको थियो। चुनाव स्थगित भएपछी निर्वाचन अधिकृतको कार्यालय पुनर्वासले जेठ ३ गते पुनः निर्वाचन गराउन सफल भएका छन्। पुनर्वास नगरपालिका वडा नम्बर १०मा जम्मा ३०१५ मतदाता रहेको मा आज सम्पन्न मतदानमा २२३८ जनाले मतदान गरेका छन। ३४०७६ मतदाता रहेको पुनर्वास नगरपालिकामा जम्मा २३५९७ जनाले मात्र मतदान गरेका छन।

सर्वदलीय बैठक बसि मतगणना सुरु गरेको छ। मतगणना वडा नम्बर १० देखि गणना गर्ने सहमति जुटेपछि अहिले मतगणना जारी रहेको छ। मतगणनाको अपडेट उपस्थित दलका समर्थक र कार्यकर्ता सबैका लागि २/२ घण्टामा उदघोष गरिने बताउदै यसको बिस्तृत अपडेट निर्वाचन अधिकृतको कार्यालयको अफिसियल पेजबाट पनि जानकारी गराईने निर्वाचन अधिकृत किरण जोशीले बताएका छन् ।