धनगढी, १ फागुन- नेपाली काँग्रेसकी केन्द्रीय सदस्य डा. डिला संग्रौलाले अहिले राजधानीमा मासुभात खुवाएर उतार्न सक्ने सरकार कोरोना कहरमा कता हराएको आरोप लगाएकी छिन् । कोरोना कहरामा नेपाली स्वदेश फर्कन समस्या भएकोले सिमानमा अलपत्र रहेका बेला सरकार र नेकपाका नेता सत्ता र कर्सीको झगडामा बेस्त रहेको आरोप लगाईन् ।

जनताले नेकपाले केही गर्न सक्छकी भनेर दुई तिहाई नजिकको बहुमत दिएर सरकारमा पठायो तर, के दियो जनतालाई घोका नेतृ संग्रौलाको प्रश्न थियो । शनिबार नेपाल प्रेस युनियन कैलाली शाखाले धनगढीमा आयोजना गरेको पत्रकार सम्मेलनमा नेतृ संग्रौलाले अब जनता नेकपा पार्टीबाट नै तर्सिएको दाबी गरिन् । जनताको पक्षमा रहेको पार्टी नेकपा र केपी सरकारको बिरुद्ध केपी सरकारका बिरुद्धामा तेस्रो चरणको आन्दोलन फागुन ३ गते सुरु भएको उनले बताईन् ।

बैतडी भागरथी भट्ट घटना प्रशंगमा बोल्दै नेता संग्रौलाले देशमा महिलाहरुले खुलेर हिड्न सक्ने बताबरणनै नभएको बताईन् । आवोध वालिका भट्टको बलात्कार पछि हत्याको घटना अहिले सम्म पनि पत्ता नलाउनु सरकार शान्ति सुरक्षा दिन असफल भैसकेको बताईन् । बलात्कारपछि हत्यामा संलग्नलाई चडै पत्ता लगाएर कडा कारबाही गर्न सरकारसँग माग गरेकी छन् ।

महिला कतै सुरक्षित नभएको भन्दै अब चेलिबेटी घरबाट निश्कन पनि डराउनुपर्ने अबस्था आयो आएको भन्दै नेता संग्रौलाले नेपालमा महिलालाई स्वतन्त्र भएर समाजमा हिड्न नसक्ने बातावरण भएको बताईन् । ‘देशमा हत्याहिंसा र बलात्कारका घटना बढिरहेको छ निर्मला पन्तको घटना पनि ओझेलमै छ’ उनले भनिन्–‘ भागरथी घटनाको दोषीलाई कठघरामा नउभ्यादा सम्म महिलाहरु सडक संघर्ष जारी रहन्छ ।’

हत्यामा संलग्नलाई कडा कारबाहीका लागि प्रधानमन्त्रीबाट तुरुन्त निर्देशन जारी गर्न पनि उनले माग गरेकी छन् । हत्यामा संलग्नलाई पत्ता लगाउन नसक्ने हो भने गृहमन्त्री रामबहादुर थापाले राजीनामा दिनुपर्ने उनको भनाई छ । घटना भएको धेरै दिन बितिसक्दा पनि सरकारले दोषीलाई कानुनीमा दायरामा ल्याउन नसक्दा सरकारले नै दोषीलाई संरक्षण गरिरहेको त छैन भनेर आशंका पैदा भएको उनको भनाइ छ ।

नेतृ संग्रौलाले सुदूरपश्चिम सरकारले तदारुकताका साथ उच्चस्तरीय छानविन समिति गठन गरी दोषी पत्ता लगाउने कार्यमा कदम चाल्नुपर्ने पनि बताएकी छन् । अपराधीलाई न्यायको कठघरामा उभ्याउन र भागरथी भट्टको परिवारलाई न्याय दिलाउन उनले सरकार लगायत सम्बद्घ सबै पक्षमा अनुरोध गरेकी छन् ।