सुर्खेत
कलिलो उमेरमा नै देश परिवर्तनको लागि भनेर जनयुद्धमा सहभागि भएका तत्कालिन जनयुद्धका बाल कलाकार सर्विन बोगटीले पछिल्लो एक दशक यता आफ्नो सांगेतिक यात्रालाई निरन्तरता दिइरहेका छन् ।

जनयुद्धका बेला जनमुक्ति, परिवर्तनका गित गाउँदै हिडेका सर्विन, पछिल्लो समयमा व्यावसाहिक कलाकारको रुपमा चिनिदै आएका छन् । जनबादी साँस्कृतिक आन्दोलनमा लामो समय सम्म जोडिएका सर्विन माओवादी राजनिति शान्ति प्रक्रियामा प्रबेश गरिसकेपछि उनि आफ्नो साँङ्गेतिक भविश्य खोज्नको लागि काठमाडौँ प्रवेश गरेका थिए ।

दशक लामो समय देखि काठमाडौँमा बसेर आफ्नो कलाकारिता क्षेत्रलाई निरन्तरता दिइरहेका सर्विनले यो भन्दा अगाडि दर्जनौ गितहरु बजारमा ल्याइसकेका छन् । लोक गीत आधुनिक गीत, लोक पप गीत, बजारमा ल्याइसकेका सर्विनले यो पटक भने फरक शैलिको गीत ल्याएर आएका छन् ।

कर्णाली र सुदुरपश्चिम क्षेत्रको चर्चित देउडा ठाडि भाका मार्फत यो पटक सर्विन बर्षौ देखि विदेशियका नेपालीहरुको पिडामा आधारित म्युजिक भिडियो लिएर आएका छन् । म्युजिक भिडियोमा कालिकोटको मौलिक कला सस्कृति, भेषभूसा प्रयोग गरिएको छ भने उनले आफ्नो जन्म भूमिलाई नै म्यूजिक भिडियोमा बोगटीले प्रयोग गरेका छन् ।

आफ्नो अभावलाई परिपुर्ति गर्नको लागि विदेशियको युवाले गाउँको कला, सस्कृति, आमा बुवा,र बनपाखालाई विदेशि भूमिबाट सम्झिएको कथा उक्त देउडा ठाडि भाकाको म्युजिक भिडियोमा प्रस्तुत गरिएको छ ।

कर्णाली र सुदुरपश्चिम को क्षेत्रमा गाइने यो ठाडि भाका पछिल्लो समयमा लोप हुदै गइरहेको यो अबस्थामा सर्विन बोगटीले आफ्नो मौलिक कला प्रयोग गरेर सस्कृतिलाई स्थापित गर्ने काम गरेका छन् ।

सानो देखि नै गित संगीत भने पछी हुरुक्क हुने गायक तथा सर्जक बोगटी नेपालमा भएको परिवर्तनको आन्दोलनको एक जिउदो शहिद हुन भन्दा फरक नपर्ला । दश बर्षको जनयुद्धको बेला जनताका जन गायक बनेर कर्णाली र सुदुरपश्चिमका भुभागमा पुगेर सवैका लोकप्रिय कलाकारमा रुपमा चिनिएका कलाकार हुन् ।

उस्तै छौ की फेरी, म्युजिक भिडियोमा रचना, संगित, बोगटी आफैले गरेका हुन भने यो म्युजिक भिडियोमा सर्विन बोगटी र सुस्मिता कुँवरको अभिनय रहेको छ भने जीबी आग्री र सुनिल पाण्डेको संयुक्त निर्देशनमा तयार पारिएको म्युजिक भिडियो छायाकन राजेन्द्र पालले गर्नुका साथै गीतको म्युजिक भिडियो सिलन लम्सालले सम्पादन गरेका हुन् ।