धनगढी, १४ बैशाख/ स्थानीयतह निर्वाचनको मिति नजिकिदै जादा धनगढी बासिलाई साथ दिने नेताको चर्चा हुन थालेको छ ।
धनगढीको नगरको भविष्य अप्ठेरोमा पार्नेगरी प्रदेशसभाले सुदूरपश्चिम प्रदेशको राजधानी कैलालीको ‘गोदावरी’ सारेको अवस्थालाई धनगढीका बासिन्दाले संझिरहेका छन् । दशैको मुखमा (२०७५ साल असोज १२ गते ) प्रदेश सभाले प्रमुख प्रतिपक्षा दल नेपाली कांग्रेसको बहिस्कारका बिच ‘सुदूरपश्चिम’ र राजधानी ‘गोदावरी’ राख्ने प्रस्ताव दुई तिहाई बहुमतले पारित गरेका थिए ।

सुदूरपश्चिम प्रदेशको राजधानी गोदावरीको जंगलमा सार्ने प्रस्ताव पास भएपछि त्यसको बिरोध गर्दै स्थानीय नागरिक समाजलाई समर्थन गर्दै धनगढी उप–महानगरपालिकाका नगरप्रमुख नृपबहादुर वड आन्दोलनको अग्रमोर्चामा खटिएका थिए । धनगढीबासीको दुःखसुखको साथीको रुपमा नृपबहादुर वडलाई पाएका छौं धनगढी उप–महानगरपालिका १ का बसन्त हमालले भने,‘ कसैले नीजि क्षेत्रका संघसंस्थाको नेतृत्व गरेकै कारण स्वघोषित अभियान्ताको फुर्ती लगाई रहदा धनगढीबाट राजधानी गोदावरी सारिदा ति उम्मेदवार कहाँ लुकेका थिए ।’

धनगढीबाट राजधानी गोदावरी सारेको दिन नै धनगढी बासिका लागि कालो दिन भएको बताउदै हमालले भने,‘ नेतालाई अनुकुलता र प्रतिकुलता हुदैन सधै जनताको साथमा हुन्छ ।’ हमालले नृपबहादुर सजिलो, सबैका कुरा सुन्ने, आदर सम्मान गर्न सक्ने लोकतान्त्रीक चरित्रको नेता भएकाले पनि गएको निर्वाचनमा धनगढीको नगरप्रमुखमा विजयी भएको र अहिले पनि बस्तीहरुमा उनकै चर्चा रहेको बताए । यो बिषयमा नृपबहादुर वडलाई सार्बजनिक मुद्या समेत लगाएको थियो ।

राजधानी गोदावरी तोकिएपछि धनगढीका बासिन्दाले एक हप्ता सम्म आन्दोलन गर्दा पनि एक पटक सडकमा ननिस्कीने, उल्टै आन्दोलनको अवेज्ञा गरेर आफ्नो ब्यापार चलाउने ब्यक्तिलाई नृपबहादुर वड संग तुलना गर्न नसकिने धनगढी जुगेडाका देबबहादुर थापाले बताए । उनले भने, ‘धनगढीमै कमाएका छन् , यही कमाएका छन् तर धनगढी नगरलाई अप्ठेरो पर्दा चुईक्क सम्म नबोल्नेलाई नगरबासीले कसरी भोट देलान ।’ बसन्त र देवबहादुर मात्रै नभएर नृपबहादुर वडले धनगढीको पक्षमा गरेको आन्दोलन सम्झीनेहरु धेरै छन् ।