विमल धामी/ कञ्चनपुर कञ्चनपुर जिल्लाको दक्षिणी क्षेत्र बेलडाँडी गाउँपालिका वडा नं. १ का वडा अध्यक्ष लगायत जनप्रतिनिधीलाई विभिन्न विषयमा आरोप लगाउने वडा सदस्यलाई वडा कार्यालयले स्पष्टीकरण सोध्दा समेत स्पष्टिकरण नदिएको वडा कर्यालयले जनाएको छ ।

जेठ २ गते लिखित स्पष्टीकरण ५ दिन भित्र मागेको तर वडा सदस्य शंकर भट्टले स्पष्टिकरण ३ दिन बढी बित्दा समेत नदिएको अध्यक्ष अम्मर खत्रीले जानकारी दिए ।

उनका अनुसार आफुलाई कम्प्युटर खरिदको विषमा घोटाला गरेको, संघको बजेटमा आफुखुसी काम गरेको, सबै जनप्रतिनिधी भ्रष्टचारमा लिप्त भएको भन्दै आफु मात्र जनताको सेवामा लागेको भन्ने १ बिद्यालयमा सेतोपाटी वितरण गर्ने बेला बोलेको पत्रपत्रिका समाचार आए पछि आफ्नो ध्यानाकर्षण भएको अध्यक्ष जनाए ।

स्पष्टिकरण सोद्धा समेत स्पष्टिकरण नदिने बोल्दा प्याच्च बोल्ने, आफु हाइलाइट हुनका लागि विभिन्न काम गरे जस्तो गर्ने उपभोक्तमा आफ्नो घरको मान्छे राख्ने, अनुदान आएको पानी टुबलेट, आफ्नो खेतमा हाल्ने, गाउँपालिकाले असुलीका लागि दिएको ठेली गायब गर्ने कार्य सदस्य भट्टले गर्दै आएको श्रोत जनाएको छ ।

ब्याक्तिगत कामले काठमाडौं घुम्न जादा गाउँपालिकाम विल पेश गर्ने गरेको समते श्रोतले दावी गरेको छ । श्रोतका अनुसार ४ महिनाको तलबले ह्वाइट बोर्ड वितरण गरेको अर्थात २० हजार बराबरको खर्च गरेको भन्ने गलत प्रचार गरेको र १५ हजार बराबरको हइट बोर्ड रहेको खुल्लासा भएको छ ।

वडा अध्यक्ष खत्रीले भने आफु प्रकृया अनुसार अघि बढ्ने भन्दै आफुले त्यस्तो घटिया काम गरेको भए आफुलाई कारवाही गर्न माग गरे । हैन भने प्रकृयागत कारवाहीमा जाने बताए ।

नेकपा बेलडाँडी पाटीले समेत भट्टलाई स्पष्टिकरण सोधेको तर अहिले सम्म जवाफ नआएको युवा नेता अक्कल बहादुर बिष्टले जानकारी गराए । यसरी इमान्दार मान्छेलाइ आरोप लगाएको देख्दा नेता बिष्ट आक्रोसित भएका थिए । चित्त बुझदो जवाफ नआए कारवाही प्रकृयामा अगाडी बढ्ने उनले जानकारी दिए ।