काठमाडौं ।अभिनेत्री साम्राज्ञी राज्यलक्ष्मी शाहले गत शुक्रवार सामाजिक सञ्जालमा एक भिडियो पोस्ट गर्दै फिल्म सुटिङ सेटमा बेला राम्रो व्यवहार निर्माता निर्देशकले नगरेको भन्दै आफूले भोगेको अनुभव सेयर गरेकी थिइन् ।

उनले सुटिङका बेला खाना र पानी माग्दा निर्माता र निर्देशकले अपशब्द बोल्ने र आक्रोस पोख्ने गरेको र कलाकारलाई सम्मान व्यवहार नगरेको बताएकी थिइन् । उनले बोलेको केही घण्टामै अभिनेता तथा निर्माता भुवन केसीले फेसबुकमा स्टाटस लेख्दै ‘जुन थालमा खाने त्यही थालमा दुलो पार्ने’ भन्दै आक्रोश पोखेका थिए । उनले साम्राज्ञीलाई लक्षित गर्दै, सामाजिक सञ्जालमा गर्ने अभिनय फिल्ममा गरेर देखाउन पनि आग्रह गरेका छन् । साम्राज्ञीले उनको स्टाटसको केहि छिन् मै प्रतिउत्तर दिएकी छन् ।

उनले फेरि एक घण्टापछि इन्स्टाग्राममा एक भिडियो पोस्ट्याउँदै, ‘एक जनाले के भन्नुभएको छ भने जुन थालमा खायो त्यही थालमा दुलो पा¥यो । उहाँले मसँग राम्रो व्यवहार गर्नुभएको थियो भने यो अवस्था आउने नै थिएन । आज यो अवस्था आएकै उहाँले गर्दा हो ।’ उनले भिडियोमा भनेकी छन्, ‘कति कुराहरु मैले सहेर बसिरहेको थिए । मलाई कसैले सम्झाउने थिएनन् । नचिनेको नभेटेको मान्छेले अनेक कुरा गरिरहेको छ । मेरो काम हो मैले गर्नु पर्छ भन्ने लागेर र मेरो ममीले सपोर्ट गरेकोले यस फिल्म क्षेत्रमा आएको हो । तर मेरो परिवार फिल्म क्षेत्रको पनि होइन । अस्तिको मेरो भनाईको बारेमा आफुलाई धेरै म्याजेस आइरहेको छ ।

त्यसमा एकजनाले के भन्नु भएको छ भने , जुन थालमा खायो त्यहि थालमा दुलो पा¥यो ।’ उहाँले मसँग राम्रो व्यवहार गर्नुहुन्थ्यो भने त्यो ठाउँ कहिलै आउथेन ।’ यो सिचोसन आएको नै उहाँले गर्दा नै आएको हो । ’ उनले आफुलाई जापान अवार्डका बेला भुवन केसीले आफूमाथि नराम्रो व्यवहार गरेको बताएकी छन् । उनले आफुमाथी नराम्रो व्यवहार गरेको र त्यो आफुले सहेर बसेको उनको आरोप छ । भुवन केसीले अवार्डका बेला गरेको व्यवहार साम्राज्ञीले भनेकी छन्, , बाबा हेर पुरानो कुरा नकोट्या । ‘तँ त मेरो प्रोडक्ट हो ।

अब पुरानो कुरा कोट्याएर के फाइदा, तँ एउटा ठाउँमा पुगिसकिस् यस्तो कुरा नगर भनेर मलाई सम्झाउनुभयो । त्यतिबेला मलाई भित्रैदेखि घिन लागिरहेको थियो । तै पनि हाँसी हाँसी जस्तो सुकै पनि हाँसेर बोल्दिछु क्या ।’ उनी भन्छिन््– ‘ती कुराहरु अलि टाढाबाट पनि भन्न सकिन्छ नी । गाला जोड्याएर, टाँस्सिएरै भन्नु पर्छ र रु छोरी अब यस्तो नगर है भन्दै गालामा मुख जोड्याएरै भनिराख्नुभएको थियो । तै पनि म सुनिरहेँ । उहाँलाई ‘अंकल’ भन्दा मन पर्दैन । त्यसैले मैले उहाँलाई ‘हुन्छ दाई’ भन्दै धकलेँ ।’ जाने बेलामा टेक कियर भन्दै जानुभयो । ’ उनले यो फिल्म क्षेत्रका काम गर्न निकै कठिन भएको र मानिसहरुले फाइदा मात्र लिन खोज्ने आरोप लगाएकी छन् ।

यो पनि :

साम्राज्ञीको अभिव्यक्तिपछि अभिनेता भुवन केसीको प्रतिक्रियाः जुन थालमा खायो त्यही थालमा दुलो पार्ने१