किशोर तामाङ
पुनर्वास (कञ्चनपुर) ३० जेठ

कञ्चनपुर जिल्लाको दक्षिणी क्षेत्र बेलौरी नगरपालिकाका नगरप्रमुख पोतीलाल चौधरी एक कुशल जन सेवक सँगै अब्बल कृषकको रूपमा पनि परिचित हुँदै आएका छन ।

पोतीलाल स्थानिय स्तरमा जन विश्वास जित्दै वि.सं.२०७४ सालको स्थानिय निर्वाचनमा बेलौरी नगरपालिकाको मेयर पदमा भारी मतले विजय भएका थिए । गाउँ स्तरमा विकास मुलक कार्यक्रम गरेरै जन विश्वास जितेका चौधरी कञ्चनपुर जिल्लाकै अब्बल जनसेवकको रूपमा चिरपरिचित छन ।

कार्यालय समयमा जनताको सेवा गर्दै आएका उनी बाँकी समयमा बेमौषमी खेती,मत्स्य पालन र बँगुर पालन गरेर समय बिताउँछन । अहिले उनी १८ ओटा बँगुर पालेका छन भने ५ हजार माछाका भुरा ल्याउने तयारीमा छन । बजारमा नयाँ तरकारी नआउँदै उनी आफ्नो बारीमा बेमौषमी तरकारी फालाईसेकेका हुन्छन । अहिले उहाँको बारीमा लौकी, करेला, बोडी, भिन्डी, पर्वर आदी तरकारीहरू उत्पादन भैसकेका छन ।

घरका अन्य सदस्यहरूलाई रोजगार पनि हुने र घर देखी बाहिर बसेर काम गर्न नपर्ने उनी बताउछन । बेलौरीका जनता कृषि पेशामा आधारित छन । बेलौरी नगरपालिकाले बर्षेनी कृषि क्षेत्रमा ठुलो मात्रामा बजेट पनि विनियोजन गरेको हुन्छ । तर ब्यवहारिक रूपमा त्यसको प्रयोग नभए पछि कृषकहरूलाई उत्साहित बनाउन आफु स्वयम् लागेको बेलौरी नगरपालिकाका नगरप्रमुख पोतीलाल चौधरी बताउछन ।

परम्परागत रूपमा खेतीपाती गर्दा थारै उत्पादन हुने र आफुलाई खान मात्र पुग्ने हुनाले त्यसको बिक्रि गरी मुनाफा लिन नसकिने हुनाले आधुनि कृषि प्रणाली तर्फ उन्मुख हुन चौधरी कृषकहरूलाई आग्रह गर्नुहुन्छ । कृषि सेवा केन्द्र मार्फत विभिन्न समयमा नगरपालिकाले कृषि तालिम,अनुदान तथा बिऊविजन उपलब्ध गराउँदै आईरहेको हुँदा समेत उपलब्धी शून्य देखिएपछि यसलाई ब्यवहारिक रूपमा प्रयोग गर्न सर्वसाधारणलाई पाठ होस भन्ने उद्धश्यले आफु कृषि क्षेत्रमा खटिएको बताउछन ।

यसरी जनताको प्रतिनिधि भई जनताको सेवा गर्दै आईरहेका तथा सफल कृषक बनेका मेयर चौधरीबाट हामी स्थानिय र अन्य जनप्रतिनिधिले पनि केही कुरा सिक्न जरूरी छ ।